Silvertown is 'n nywerheidsgebied aan die noordoewer van die Teemsrivier wat administratief deel uitmaak van die Londense distrik Borough of Newham. Die buurt is vernoem na die nyweraar Samuel Winkworth Silver (1791–1855) wat hier in 1852 'n rubberaanleg gevestig het. Silvertown word tans deur twee groot aanlegte oorheers - Tate & Lyle se suikerraffinadery (wat in 1880 opgerig is[1]) en John Knight ABP se karkasverwerkingsaanleg.

Silvertown
Distrik
Tate & Lyle se suikerraffinadery
Tate & Lyle se suikerraffinadery
Silvertown is in Groter Londen
Silvertown
Silvertown
Koördinate: 51°30′0″N 0°2′0″O / 51.50000°N 0.03333°O / 51.50000; 0.03333
LandVlag van Verenigde Koninkryk Verenigde Koninkryk
Land Engeland
GraafskapGroter Londen
BoroughNewham
TydsoneUTC±00:00 (MGT)
 • SomertydUTC+01:00 (BST)
Poskode
E16
Skakelkodes020
'n Lugaansig van Silvertown en die Thames Barrier
Silvertown, London City-lughawe en die Tate & Lyle-suikerraffinadery

Die buurt se industriële geskiedenis word oorskadu deur die ontploffing van 50 ton TNT op die werksterrein van Brunner Mond & Company, 'n chemiese aanleg naby West Ham waar ammunisie vervaardig is, op 19 Januarie 1917.[2][3] Die ongeluk het 73 menselewens geëis en verwoesting gesaai in die fabriek se omgewing. Die ontploffing se drukgolf het vensters in die Savoy-hotel laat bars en 'n huurmotor in Pall Mall byna omgegooi.

London City-lughawe, een van vyf lughawens in of naby die Britse hoofstad, is aan die oostelike kant van Silvertown geleë.

Verwysings wysig

  1. Derek Pratt: London's Waterways. Exploring the capital's rivers and canals. London: A&C Black 2014, bl. 83
  2. "Newham Recorder, 16 Julie 2016: Silvertown explosion brought the realities of WW1 to Newham. Besoek op 22 Julie 2020". Geargiveer vanaf die oorspronklike op 22 Julie 2020. Besoek op 22 Julie 2020.
  3. Heritage Calling, 19 Januarie 2017: The Silvertown Tragedy: Explosion on the Home Front. Besoek op 22 Julie 2020

Eksterne skakels wysig

Stadsbeplanning en argitektuur