Skraalstompie

Spesie van die stompies

Die skraalstompie (Mimetes capitulatus) is 'n blomdraende struik wat tot die genus Mimetes behoort en deel van die fynbos vorm. Die plant is inheems aan die Wes-Kaap. Daar is geisoleerde populasies in die Kogelberg, Paardeberg, Groenlandberg en Kleinrivierberge. Die struik is regop en word 2 m hoog. Die struik dra blomme van Junie tot Desember, maar hoofsaaklik in Augustus.

Skraalstompie
Mimetes capitulatus Rebelo 3.jpg
Mimetes capitulatus Rebelo 2.jpg
Wetenskaplike klassifikasie
Koninkryk:
(klade):
(klade):
Orde:
Familie:
Genus:
Spesie:
M. capitulatus
Binomiale naam
Mimetes capitulatus
(L.) R.Br.

Vuur vernietig die plant maar die sade oorleef. Twee tot ses maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is tweeslagtig. Bestuiwing vind plaas deur die werking van voëls. Die plant groei op moerasagtige, suidelike hellings op hoogtes van 600-1 200 m.

In Engels staan dit as die Conical Pagoda bekend.

GaleryWysig

BronneWysig