Sokkeroorlog
Die sokkeroorlog (Spaans: La guerra del fútbol, ook bekend as die 100 uur oorlog) was 'n kort oorlog van vier dae tussen El Salvador en Honduras in 1969.
| Sokkeroorlog | |||||||
|---|---|---|---|---|---|---|---|
| |||||||
| Strydende partye | |||||||
 El Salvador
|
 Honduras
| ||||||
| Aanvoerders | |||||||
 Fidel Sánchez Hernández
|
 Oswaldo López Arellano
| ||||||
| Ongevalle en verliese | |||||||
| 900, insluitende siviele ongevalle, drie vliegtuie vernietig | 2 100, insluitende siviele ongevalle. | ||||||
Geskiedenis
wysig
In die vroeë 1960's het die Hondurese leër die regering van Ramón Villeda Morales beëindig uit vrees vir 'n oordrewe invloed van Kuba op die regime. Oswaldo López Arellano het die nuwe president geword. Hy stig 'n nuwe diktatorskap waarin boere (wat die reg tot vakbondvorming onder die regerings gekry het) onderdruk word ten gunste van die groot grondeienaars. Besettings van grond het plaasgevind in protes daarteen.
Baie Salvadorane was gedurende daardie tydperk ook in Honduras. Hulle het voor die regime in El Salvador gevlug en in 1969 200 000 hektaar grond in Honduras besit. Die Hondurese regering het die Salvadorane gesien as die aanhitsers van die landbesetting, en op 30 April 1969 is aan die Salvadorane 'n ultimatum gestel om die land binne 30 dae te verlaat.
Intussen was die sokkerwêreldkampioenskap van 1970 voor die hand. Daarvoor is in Junie 1969 uitklopkompetisies tussen Honduras en El Salvador gehou. Die eerste wedstryd (op 8 Junie) is deur Honduras gewen. Maar 'n tweede wedstryd (op 15 Junie) is sleg deur Honduras verloor. Winkels en besighede van Salvadoranse inwoners in Honduras is geplunder waarop een sterfte en verskeie beseerdes voorgekom het. Op 26 of 27 Junie (die bronne weerspreek mekaar)[1] is 'n beslissingspel in Mexiko gespeel, wat na ekstra tyd deur Honduras verloor is.
As gevolg hiervan het die spanning oor die Salvadorane in Honduras nog verder toegeneem. Die lande het op 27 Junie diplomatieke betrekkinge verbreek. Uiteindelik, in die laatmiddag van 14 Julie 1969, het Salvadoranse troepe Honduras binnegekom om hul landgenote te beskerm (wat soos vroeër genoem van El Salvador gevlug het). Daar word bomaanvalle vanuit die lug gedoen en verskeie vliegtuie van beide kante word afgeskiet. Onderhandelinge het op 15 Julie gevolg ná bemiddeling deur die Organisasie van Amerikaanse State (OAS).[2] El Salvador wou egter sy sterker militêre posisie benut. Die sokkeroorlog is na meer as vier dae gestaak, na internasionale bemiddeling deur die OAS. Minstens 2 000 mense is dood.[3] Die Salvadoranse troepe het effektief in Augustus daardie jaar onttrek. Die verhouding met El Salvador is eers in 1980 herstel.
Die sokkeroorlog was die laaste oorlog waarin skroef aangedrewe vegvliegtuie 'n dominante rol gespeel het.
Uitslae van die sokkerwedstryde
wysig8 Junie 1969: Honduras – El Salvador 1-0 (Tegucigalpa)
15 Junie 1969: El Salvador-Honduras 3-0 (San Salvador)
26 van 27 Junie 1969 : El Salvador-Honduras 2-2 na 90 minute, 3-2 na verlenging (Meksikostad , Mexiko)
Dit het tot 23 November 1980 geduur voordat die spanne weer mekaar in 'n sokkerwedstryd te staan kom. El Salvador het hierdie tuiswedstryd – 'n kwalifiseringswedstryd vir die wêreldkampioenskap in sokker in 1982 – met 2-1 gewen.
Verwysings
wysig- ↑ De bronnen spreken elkaar tegen over de exacte datum van de beslissingswedstrijd: 27 juni volgens de FIFA Geargiveer 14 September 2004 op Wayback Machine en 26 juni volgens de RSSSF
- ↑ Winkler Prins Jaarboek 1970, Elsevier, bl. 119-120
- ↑ Peter de Koning (2009) Vijf bizarre oorlogen, geschiedenis.nl.
Bronne
wysig- De voetbaloorlog – Ryszard Kapuściński, De Arbeiderspers, ISBN 9789029525411
- Burenruzies. Voetbalinterlands vol strijd en rivaliteit – Frank Grootemaat, Uitgewery Fagus, ISBN 9789078202646
- Sportgeschiedenis, De voetbaloorlog tussen El Salvador en Honduras, deur Frank Grootemaat
Eksterne skakels
wysig
Wikimedia Commons het meer media in die kategorie Sokkeroorlog.
| Hierdie artikel is in sy geheel of gedeeltelik vanuit die Nederlandse Wikipedia vertaal. |
