Sophie Coetzee
Sophie Coetzee (*27 Januarie 1918, Bloemfontein - † onbekend) was ’n Afrikaanse dramaturg. Sy is saam met M.C.E. van Schoor medeskrywer van die drama Huldiging van ons heldinne, wat tydens die Voortrekkerfees van 1949 opgevoer is.
Lewe en werk wysig
Sophia Elizabeth Heckroodt is op 27 Januarie 1918 in Bloemfontein gebore.[1] Haar ouers is Pieter Hendrik Heckroodt en Anna Jacoba de Beer. Sy voltooi haar skoolloopbaan aan die Hoër Meisieskool Oranje en studeer dan verder aan die Universiteitskollege van die Oranje-Vrystaat, waar sy die B.A.-graad en Universiteits Onderwysdiploma verwerf. In 1940 trou sy met Willem Johannes Coetzee en uit die huwelik word drie dogters gebore. Haar man was skoolhoof op verskeie dorpe in die Vrystaat, maar hulle vestig hulle weer in Bloemfontein toe hy aangestel is as Inspekteur van Onderwys.
Skryfwerk wysig
Saam met M.C.E. van Schoor skryf sy die geleentheidsdrama “Huldiging van ons heldinne” ten tyde van die Voortrekkerfees in 1949.[2]
Publikasies wysig
- Huldiging van ons heldinne (saam met M.C.E. van Schoor), 1949
Bron wysig
- Kannemeyer, J.C. “Geskiedenis van die Afrikaanse literatuur 2” Academica, Pretoria, Kaapstad en Johannesburg Eerste uitgawe Eerste druk 1983