Die sorosilikaat-halter

'n Sorosilikaat is 'n silikaat wat die dimeer Si2O6−7 bevat. 'n Voorbeeld is die mineraal thortveitiet.

Die naam sorosilikaat kom van Grieks σορος=gekoppel en verwys na die haltervormige Si2O7-ione wat bestaan uit twee silikaat tetraëders wat deur een suurstofatoom gekoppel is. Die twee helftes van die halter kan ewewydig (soos in åkermaniet) of teenoorgesteld (soos in thortveitiet) gerangskik wees. Die helfte kan ook onder verskeie hoeke gekantel wees, soos in lawsoniet. Sorosilikate word soms ook pirosilikate genoem.

Die sorosilikate word gewoonlik deur 'n digpakking van Si2O7-halters gekenmerk en die vorming van hierdie halters gebeur hoofsaaklik onder hoë druk.

Lawsoniet is 'n goeie voorbeeld wat se formule as β-Mg2SiO4 geskryf kan word, maar dit is eintlik 2xMg2SiO4=Mg4Si2O8=Mg4[Si2O7]O. Hierdie vorm is die gunsteling op 400 km diepte in die laesnelheidsone van die aarde se mantel.[1]

VerwysingsWysig

  1. Crystal Chemistry and Refractivity, Howard W. Jaffe Courier Corporation, 1988, ISBN 0-486-69173-X, ISBN 978-0-486-69173-2
Silikate

Nesosilikaat -- Inosilikaat -- Sorosilikaat -- Siklosilikaat -- Tektosilikaat -- Filosilikaat