Nigel: Verskil tussen weergawes

'n Prospekteerder het in [[1886]] [[goud]] op die plaas Varkensfontein ontdek en die ''Nigel Gold Mining Company'' is gestig. Die plaas het aan PJ (Lang Piet) Marais behoort. Die dorp is eers in [[1909]] gestig en formeel in [[1912]] as dorpsgebied geproklameer. 'n Teorie vir die oorsprong van die dorp se naam is dat dit kom uit die boek 'The Fortunes of Nigel' van sir [[Walter Scott]], wat die prospekteerder ten tyde van die goud-ontdekking sou gelees het. Die dorp wat rondom die myn ontwikkel het, het die naam uit Scott se boek behou. Mynbou en swaar industrieë speel vandag nog 'n groot rol in die dorp se ekonomie. Nigel het in [[2000]] deel geword van die veel groter [[Ekurhuleni]] Metropolitaanse Munisipaliteit, wat die grootste deel van die Oos-Rand insluit.