Herbert Baker: Verskil tussen weergawes

Sir '''Herbert Baker''' ([[9 Junie]] [[1862]] - [[4 Februarie]] [[1946]]) was 'n Britse argitek wat 'n groot uitwerking gehad op Suid-Afrikaanse argitektuur tussen [[1892]] and [[1912]] gehad het. Hy het bygedra tot die skepping van wat op daardie stadium 'n nuwe inheemse argitektuur was en was verantwoordelik vir die ontwerp van bekende bakens soos die [[Uniegebou]] in [[Pretoria]], die Rhodes-gedenkteken in Kaapstad en Suid-Afrika-huis, die Suid-Afrikaanse ambassade in [[Londen]].

Hy het talle katedrale, kerke en skole in [[Suid-Afrika]] ontwerp, waaronder St George's Katedraal in [[Kaapstad]], St John Kollege in [[Johannesburg]] en Michael House in [[Balgowan]]. Hy het eredoktorate van [[Universiteit van Oxford|Oxford]] en die [[Universiteit van die Witwatersrand]] ontvang en was tot ridder geslaan vir sy ontwerp van die regsgeboue in [[Nieu-Delhi]].

Sir Herbert Baker is op [[9 Junie]] [[1862]] in Cobham, [[Kent]] gebore as die vierde seun van Thomas Henry Baker en Frances Georgina Davies.. Sy kindertyd het hy in die plattelandse omgewing van Kent deurgebring, waar afsondering tradisies van goeie vakmanskap bewaar het. Hier het hy die tradisionele boumetodes bewonder en bestudeer: metodes van steen en pleister, verskillende aspekte van hout, middeleeuse kerkbeplanning en steenkonstruksie.

Na sy driejarige opleiding het Baker by 'n vername argitekfirma, Ernest George en Peto, in Londen gaan werk en sou later ook reise na [[Frankryk]], [[België]] en [[Italië]] onderneem. In 1884 het hy lid geword van die nuwe Art Guild en in 1891 het hy assessorlid van die Royal Institute of British Architects geword. Hy het ook die Ashpitel-prys vir sy prestasies in sy studies verower.

In 1892 het hy na die [[Kaap die Goeie Hoop]] gegaan om 'n jonger broer, Lionel, op 'n vrugteplaas te help. Skoudadmiraal Henry Nicholson, wat familie van die Bakers en 'n bevelvoerder aan die Kaap was, het Herbert Baker aan die vernaamste Kapenaars voorgestel, ook eerste minister [[Cecil John Rhodes]]. Rhodes het hom versoek het om sy afgebrande woning, [[Groote Schuur]], te herbou. Baker het hom sodanig van sy taak gekwyt, dat daar geen tekort aan nuwe opdragte was nie.

In 1900 het Cecil Rhodes besef dat Baker se argitekopleiding nie die presiese klassieke tradisies insluit wat hy geglo het geskik was vir die monumentale geboue wat hy so graag in Suid-Afrika wou sien nie en het hy vir Baker gestuur om in Italië, [[Griekeland]] en [[Egipte]] die klassieke boustyle te bestudeer. Die gevolg van hierdie reise kan gesien word in die meer gekunstelde werk wat hy na sy terugkeer in monumente en openbare geboue openbaar het. Die bedoeling was egter nie om hierdie style na te aap nie: Rhodes en Baker wou saam 'n boustyl eie aan Suid-Afrika skep en baie van Baker se werk was opdragte wat direk van Rhodes afkomstig was.

Na Rhodes se dood in 1902 en aan die einde van die [[Tweede Vryheidsoorlog|Engelse oorlog]], het Lord Milner Baker genooi om in die Transvaal te praktiseer en tot sy program vir heropbou by te dra.