Aan die begin van 1918 is begin met die bou van die kerkgebouwatkerkgebou wat sowat £14 000 sou kos. Die hoeksteen is op [[6 April]] [[1918]] deur ene ds. Radloff gelê, waarskynlik ds. F.G.T. Radloff, vroeër van [[NG gemeente Bloemfontein|Bloemfontein]], Hoopstad en [[NG gemeente Krugersdorp|Krugersdorp]], wat in 1914 sy emeritaat aanvaar het en op [[4 Oktober]] [[1928]] oorlede is. Die argitekte was Frank Emley en [[Gerard Moerdijk]]. Die kerk sou ingewy word op 10 tot 12 Oktober 1919, programme was al gedruk, maar weens onvoorsiene omstandighede kon dit eers van 2 tot 4 April 1920 ingewy word. Die gemeente het op [[28 Maart]] [[1920]] van die ou kerk geneem. Die orrel kon nie betyds kom nie en is by 'n latere geleentheid ingewy. Die susters van die gemeente met 'n mooi bydrae van die Helpmekaar het vir die geld gesorg.
Nadat ds. Krige die swaarkry van die verdeeldheid van die [[Maritz-rebellie|1914-rebellie]] deurleef het asook die griepepidemie van 1918 toe 14 lidmate gesterf het, neem hy in 1922 die beroep aan na die [[NG gemeente Krugersdorp]]. Daar sou hy bly tot sy dood op [[29 Oktober]] [[1936]]. Hy en sy vrou is albei op [[Krugersdorp]] begrawe.
