NG gemeente Reddersburg: Verskil tussen weergawes

 

[[Beeld:Ds Pieter de Waal.jpg|duimnael|regs|160px|Ds. Pieter de Waal, van 1920 tot 1925 Reddersburg se derde NG leraar.]]

 

[[Beeld:Ds JHA Crous.jpg|duimnael|regs|160px|Ds. Jan Hendrik Crous, Reddersburg se NG leraar van 1950 tot sy eerste aftrede in 1953. Daarna was hy nog van 1958 tot 1961 leraar van [[NG gemeente Derby|Derby]] en van 1961 tot sy tweede en laaste aftrede in 1963 van Parys-Wes.]]

 

Die '''NG gemeente Reddersburg''' is die gemeente van die [[Nederduitse Gereformeerde Kerk]] op die [[Vrystaat]]se dorp [[Reddersburg]]. Dis in 1910 gestig as slegs die 47ste gemeente van die [[NG Kerk Vrystaat|Vrystaatse Kerk]], 51 jaar nadat die [[Gereformeerde kerk Reddersburg]] in 1859 as die eerste gemeente van dié kerkverband in die Vrystaat tot stand gekom het.

 

Die gemeente is op [[27 April]] [[1910]] gestig met ds. P. du Toit as konsulent. Op [[10 April]] [[1911]] is die eerste leraar, naamlik ds. Kriel, hier bevestig, maar reeds op [[18 November]] [[1911]] het hy na Erasmus vertrek. Die volgende leraar was ds. M.M. du Toit ([[7 September]] [[1912]] tot [[20 Maart]] [[1920]]). Dan volg ds. P. de Waal (1920 tot '25) hom op. Van [[19 September]] [[1925]] tot [[3 November]] [[1927]] het ds. [[P.S.Z. Coetzee]] as konsulent die gemeentelike werk met ywer en welslae waargeneem, waarna ds. Driessen tot 1931 hier gedien het. Hierna het di. D. de Vos, J.M.C. van den Berg, A. van der Merwe en G.J. Naudé agtereenvolgens die gemeente met groot seën bedien.

 

Ds. J.H.A. Crous is in 1950 hier bevestig. In die jare het die klein gemeente 'n nuwe kerkgebou onder leiding van ds. De Waal opgerig, 'n nuwe orrel is in 1933 aangekoop, 'n nuwe [[pastorie]] is omstreeks 1951 voltooi en die kerksaal is vroeg in die vyftigerjare, onder leiding van ds. Crous, vergroot en hernu — en dit alles sonder enige skuld. Die gemeente het deur pragtige samewerking groot bedrae vir bogenoemde werk byeengebring, asook vir die griepwese £500 en vir die Helpmekaarbeweging £950. In samewerking met [[NG gemeente Edenburg|Edenburg]] is 'n eie sendeling beroep, eers eerw. S. F. Skeen, wat jare met vrug hier gearbei het, en toe eerw. I. Steyn.