Rikie Postma: Verskil tussen weergawes

Toe sy ongeveer agt jaar oud was, het die familie na [[Middelburg, Oos-Kaap|Middelburg, Kaap]], verhuis waarheen haar vader 'n beroep as leraar van die [[Gereformeerde kerk Middelburg, Kaap|plaaslike Gereformeerde kerk]] aangeneem het en waar sy en haar drie jonger susters, onder wie die latere skrywer [[Hilda Postma]], hul skoolonderrig ontvang het. Ondertussen het die [[Tweede Vryheidsoorlog]] uitgebreek. Rikie was 'n skrander leerling, wakker en lewendig belangstellend in wat in haar vader se studeerkamer aangegaan het. Sy het, soos die spreekwoord lui, net 'n halwe woord nodig gehad. Ook het sy nie gerus voor sy nie haar jonger susters kon meedeel wat sy weet of leer nie. So het sy eendag, toe die Engelse hoofkwartier in die pastorie van die [[NG gemeente Middelburg, Kaap|NG gemeente]], oorkant hulle, was gou haar huismense gaan roep en opgewonde buite beduie: "Daar kom lord [[Herbert Kitchener|Kitchener]] aan en die kortetjie agter hom is General French!" Dit was sy wat elke keer as die oneindige kolonnes Britse troepe die hele lange dag die straat deur trek, dadelik raakgesien het as daar burgergevangenes by was en haar pa gaan roep het wat dan tronk toe gegaan het om sy mense te besoek. Sy was innig vaderlandsliewend; dit was haar ideaal om na te vors en vir kinders mee te deel. Sy was 'n begaafde verstelster.

Nadat sy haar onderwyserseksamen afgelê het, het sy 'n kort tydjie skoolgehou, maar het 'n ernstige maag- en breinkoorsaanval opgedoen en weke lank baie verswak gelê, sodat sy nie dadelik weer klas kon geen nie. Veel liefde en bystand van die gemeente, die kerkraadslede en ook vriende in die dorp, het haar weduwee-moeder in daardie bange tyd ontvang. In 1918 is haar moeder met mnr. J.S. Rabie getroud en verhuis die gesin na [[Bloemfontein]], waar sy gehoop het om kunsopleiding te ontvang. Deur bemiddeling van haar jonger suster, Susanna, het sy ook 'n pos in die provinsiale administrasie bekom, waar sy haar met haar kenmerkende ywer verdiep het.