Die gemeente sehet in die dekade ná 2000 die meeste van die grond om die kerkgebou asook die kerksaal aan ontwikkelaars verkoop. Eindelik is die kerkgebou in 2015 gesloop nadat dit in 2012 aan die Nic Georgiou-trust verkoop is. Die laaste leraar was ds. Piet Lourens wat die gemeente in kombinasie met [[Gereformeerde kerk Brandfort|Brandfort]] bedien het. Aan die einde het die gemeenteBloemfontein net sowat 64 lidmate oorgehad. Nadat die kerkgebou verkoop is, is die inhoud aan ander Gereformeerde kerke uitgedeel: die [[Gereformeerde kerk Oranjerivier]] op [[Orania]] het die pyporrel en die klok gekry en [[Gereformeerde kerk Eden|Eden]] ([[Plettenbergbaai]] en [[Knysna]]) het die preekstoel en ronde Nagmaaltafels oorgeneem. Die kerkbanke en ander tafels is tussen dié kerk, asook kerke in Botshabelo en Phahameng, verdeel. Die hoekstene het na [[Gereformeerde kerk Bloempark|Bloempark]] in Fichardtpark gegaan en die boekery word in die Gereformeerde Kerk se argief in [[Potchefstroom]] bewaar.
Die gemeente het ’n tyd lank nog in die Lutherse kerk in Cachetstraat kerk gehou, voor dit ontbind het.
