Demokratiese Republiek die Kongo: Verskil tussen weergawes

Die '''Demokratiese Republiek van die Kongo''' is 'n staat in [[Sentraal-Afrika]] en die tweede grootste land in [[Afrika]]. Dit grens aan die [[Sentraal-Afrikaanse Republiek]] en [[Suid-Soedan]] aan die noorde, [[Uganda]], [[Rwanda]], [[Burundi]], en [[Tanzanië]] aan die ooste, [[Zambië]] en [[Angola]] aan die suide, en die [[Republiek van die Kongo]] aan die weste. Die land het toegang tot die see deur 'n nou 40 [[kilometer|km]] strook, langs die [[Kongorivier]] tot in die [[Golf van Guinee]]. Die naam "[[Kongo]]", wat ''jagter'' beteken, is afkomstig van die [[Bakongo]] stam wat naby die Kongorivier kom woon het.

Anders as in die meeste ontwikkelende [[Afrika]]lande is landbou nie die belangrikste [[ekonomie]]se basis van die land nie, maar die mynbou. Die Demokratiese Republiek van Kongo is die vernaamste [[Verskaffer (ekonomie)|verskaffer]] van [[diamant|nywerheidsdiamante]] op die wêreldmark en voer daarnaas ook groot hoeveelhede [[kobalt]], [[koper]], [[goud]], [[silwer]], [[tin]], [[sink]], [[mangaan]], [[kadmium]], [[germanium]] en [[ru-olie]] uit. [[Korrupsie]] en burgeroorloë het 'n ernstige nadelige uitwerking op die ekonomiese vooruitgang van die land, ondanks sy groot natuurlike hulpbronne.