Transkei: Verskil tussen weergawes

Die voormalige '''Transkei''' was die eerste en grootste van die voormalige onafhanklike Swart tuislande ([[Bantoestan]]s), wat onder die bewind van die [[Nasionale Party]] geskep is, met 'n oppervlak van 38 712 vierkante kilometer en 3,2 miljoen inwoners. Die gebied is sedert die [[15de eeu]] die historiese tuisland van die [[Xhosa]]- en [[Pondo]]-[[stam]]mestamme, en in [[1989]] het naastenby die helfte van die Xhosas in [[Suid-Afrika]] in Transkei gewoon.

Die gebied staan bekend vir sy verruklike natuurtonele, veral langs die [[Wildekus]], 'n [[subtropies]]e kusstreek met 'n lengte van sowat 280 kilometer. Oud-President [[Nelson Mandela]] iswas 'n boorling van [[Qunu]], 'n dorp in Transkei.

Transkei was sedert die jaar [[1963]] [[territoriale outonomie|selfregerend]] en het op [[26 Oktober]] [[1976]] formeel [[onafhanklikheid|onafhanklik]] geword, alhoewel die nuwe staat nie deur ander lande behalwe Suid-Afrika erken is nie. Die [[Verenigde Nasies]] en die [[Organisasie vir Afrika-eenheid]] het die onafhanklikheidsverklaring skerp veroordeel. Hulle het die Suid-Afrikaanse regering ook daarvan beskuldig dat die grense tussen Transkei en [[Lesotho]] opsetlik gesluit is.

In [[1977]] het Transkei en Suid-Afrika in 'n ernstige geskil oor die gebied [[Oos-Griekwaland]] geraak, wat deur Transkei opgeëis is. Op [[10 April]] [[1978]] het Transkei selfs sy diplomatieke betrekkinge met die Republiek van Suid-Afrika verbreek, nadat Oos-Griekwaland nie aan Transkei afgestaan is nie en by die Suid-Afrikaanse provinsie [[Natal]] ingelyf is.

In [[1987]] het [[Bantu Holomisa]] ná 'n militêre staatsgreep [[Kaizer Daliwonga Matanzima]] as [[staatshoof]] vervang. Ná die eerste demokratiese [[Suid-Afrikaanse algemene verkiesing van 1994]], is die Transkei heringelyf by die Republiek van Suid-Afrika. Dit maak nou deel uit van die provinsie [[Oos-Kaap]].