Stephanus Postma: Verskil tussen weergawes

 

== Herkoms ==

Stephanus Postma was die derde kind uit sy vader se vierde huwelik, op [[24 November]] [[1859]] met Susanna Lasea Kruger (†[[3 Oktober]] [[1869]]). Uit dié huwelik is ook die predikant ds. [[Dirk Postma jr.]] (1861–1919) gebore wat op [[6 Mei]] [[1897]] predikant geword het op hul geboortedorp, [[Rustenburg]], maar weens insolvensie, wat deels toegeskryf kan word aan die spandabelheid van sy vrou, sy ontslag geneem het op [[30 Junie]] [[1905]] daarna as predikant afgesit is.

 

== Opleiding ==

Ds. Postma het op Burgersdorp skoolgegaan en daarna onderrig ontvang van sy halfbroer [[Marthinus Postma]] aan die Literariese Afdeling van die Teologiese Skool van die [[Gereformeerde Kerke in Suid-Afrika|Gereformeerde Kerk]] op dieselfde dorp. In 1885 behaal hy die hoogste punte in die finalejaar-B.A.-eksamen van die Universiteit van die Kaap die Goeie Hoop en sit daarna sy studie voort aan die Teologiese Skool. Die gesin het in 1866 van Rustenburg af na Burgersdorp verhuis nadat sy vader 'n beroep as predikant van die [[Gereformeerde kerk Burgersdorp|plaaslike Gereformeerde]] aanvaar het, veral met die oog daarop om dié skool tot stand te bring. By die vertrek van sy halfbroer prof. [[Marthinus Postma]] en nadat Stephanus sy proponentseksamen afgelê het, word hy van die begin van 1890 af benoem as professor litterarum, 'n pos wat die eerste keer van 1877 tot 1879 beklee is deur hul broer ds. [[Petrus Postma]].

 

Prof. Postma word op [[12 Julie]] [[1890]] professor. By dié geleentheid lewer ds. M.P.A. Coetzee jr., een van die eerste predikant wat hulle bekwaam het aan die Teologiese Skool, die rede. Reeds met sy intreerede het Stephanus hom openbaar as 'n Afrikaanse kultuurman. Hy bring die Calvinisme in verband met die ontwakende Afrikaanse nasionale strewe en doen selfs 'n beroep op Europese immigrante om hulle in Suid-Afrika met die Protestantse nasionale strewe te vereenselwig. Saam met prof. [[Jan Lion Cachet]] en [[Totius|J.D. du Toit]] neem hy in Januarie 1896 in die [[Paarl]] deel aan die Eerste Afrikaanse Taalkongres waar hy die naam ''Ons Klyntji'' vir die nuwe tydskrif voorstel.

 

 

== Predikant ==

Einde 1897 aanvaar hy, nes sy halfbroer Marthinus in 1890, 'n beroep na [[Gereformeerde kerk Middelburg, Kaap|Middelburg, Kaap]].

 

 

== Gesinslewe ==

Stephanus Postma is in 1888 getroud met Johanna Jacoba Hendrika Slijkhuis, dogter van die Nederlandse immigrante Gerrit Lijkhuis en sy vrou, Hendrika Otterloo. Uit die huwelik is sewe kinders gebore, onder wie die bekend skryfsters [[Rikie Postma]] (1889) en [[Hilda Postma]] (1895), en Ammi Postma (1901), professor in die klassieke tale aan die Potchefstroomse Universiteit vir C.H.O.

 

== Sien ook ==

* [[Minnie Postma]]

* [[Gereformeerde kerk Burgersdorp]]

 

{{DEFAULTSORT:Postma, Stephanus}}