Verskil tussen weergawes van "Wikipedia:Geselshoekie"

k
Aan die Wiki-gemeenskap: : [[Gebruiker:Geebee100]], ook die voorsitter van die Taalkommissie het vanoggend gesê dat Sjina nie meer aanvaarbaar is nie maar slegs China. Neem kennis asb! Sien https://af.wikipedia.org/w/index.php?title=Volksrepubliek_China&action=history Groete! Hy het ook 'n klomp taalkundige veranderings aangebring by verskeie artikels. Ek stel voor ons volg die Taalkommissie se beleid. Groete! [[Gebruiker:Oesjaar|Oesjaar]] ([[Gebruikerbespreking:Oesjaar|kontak]]) 15:46, 3 Augustus 2016 (UTC)
: Dankie aan Oesjaar wat die saak na 'n meer sentrale plek bring. Om 'n speldekreet af te vaardig in die opsomming van 'n verandering aan 'n artikel is 'n interessante idee, maar dalk minder as effektief, maar goed, almal ken nie die gemeenskapsnorme nie. Dis ook jammer dat daar glad nie op [[Bespreking:Volksrepubliek China|die besprekingsblad]] deelgeneem is aan die gesprek wat al jare lank duur nie. Meestal sien ons sulke veranderinge wat téén jarelange (grotendeelse) konsensus loop as kwaadwillig/oningelig/wat ook al, maar aangesien dit van die taalkommissie kom, moet ons nou seker almal op aandag spring. Ek neem aan die "Sien bespreking elders op hierdie blad" is 'n verwysing na die ánder opsomming wat sê: ''"Sedert 2016 erken die Taalkommissie nie meer die spelling "Sjina" nie. Die besluit is op taalkundige gronde, asook op frekwensietellings in groot korpusse teks baseer. Veranderinge moet ook op ander plekke op Wikipedia aangebring word."''. Aangesien ek hier bydra om te leer, sou ek graag wou hoor wat die taalkundige gronde is, en hoe die frekwensietellings versamel is (watter korpusse, ens.). Dit sal interessant wees. Ek wonder of hulle Wikipedia tot nou toe ingesluit het in hulle korpusse (of gaan hy die tellings bywerk nou dat dit is soos hy verkies;-) Ek wonder ook waar die taalkommissie se besluite te vinde is terwyl ons wag vir die volgende AWS, en tot watter mate ons ons moet steur aan so-iets voor die volgende uitgawe. Dit staan ons (en enigiemand anders) natuurlik vry om te maak nes hulle wil, maar ons probeer natuurlik meestal by 'n tipe van Standaardafrikaans te bly. Enige plek kan in hulle stylgids sekere besluite maak wat strydig is met die AWS: bv. om sekere wisselvorme nie toe te laat nie. Die voorkeur vir meer "Afrikaanse"/fonetiese spellings (Sjina, Zoeloe), asook tradisionele Afrikaanse name (Londen, Moskou, Kalifornië) was nog altyd sterk gevestig hier, maar ek besef ek het vir lank nie veel hier bygedra nie, dus kon die algemene sentiment dalk verander het. (Ons het bv. Kolombië/Colombië hier aanvaar [[Bespreking:Colombia#Spelling|voordat dit in die 2009-AWS bygevoeg is]].) Hierdie is seker nie die wêreld se belangrikste saak nie, dus sal ek hard probeer ontspan hieroor, al sukkel ek om so 'n dekreet sommer net te aanvaar. Dalk het ek op 'n vreemde plek grootgeword waar ons net die spelling met "Sj" geleer is. --[[Gebruiker:Alias|Alias]] ([[Gebruikerbespreking:Alias|kontak]]) 18:34, 3 Augustus 2016 (UTC)
:: Ek het ook grootgeword met Sjina, behalwe as ek skryf. Hoesit my china! ;) --[[Gebruiker:RAM|RAM]] ([[Gebruikerbespreking:RAM|kontak]]) 04:18, 8 September 2016 (UTC)
 
:: As die taalkommissie 'n volksvreemde spelling bokant die eenvoudige fonetiese spelling verkies, is dit seker maar hulle probleem. Groete. [[Gebruiker:Naudefj|Frank]] ([[Gebruikerbespreking:Naudefj|kontak]]) 18:40, 3 Augustus 2016 (UTC)
8 945

wysigings