Wikipedia:Geselshoekie

'n Versoek aan al die admins: help ons asb. om vandalisme uit te roei!

Sien ook:

• Wikipedia:Welkom nuwelinge wat veral op nuwelinge gemik is.
• Wikipedia:Gebruikersportaal vir nuttige skakels vir alle gebruikers.
• Wikipediabespreking:Geselshoekie vir bespreking van die toekoms van hierdie bladsy.
• Taalforum vir besprekings oor taalprobleme. Die juiste terme, spellings ensomeer.

Verdere hulp:

Vir volledige hulp, riglyne en beleid (algemeen en spesifiek), raadpleeg gerus die

• Engelse Community Portal,
• Nederlandse Gebruikersportaal en
• Meta Wikipedia.

Argief
2004-06	2007	2008
2009	2010	2011
2012	2013	2014
2015	2016	2017
2018	2019	2020
2021	2022	2023
2024	2025
Hoe word 'n argief aangelê?

Welkom by die Afrikaanse Wikipedia se algemene geselshoekie. Enigiemand is welkom om deel te neem aan die besprekings hier: onderteken asseblief u besprekings deur ~~~~ te tik, of die "Handtekening met datum"-ikoon () te kies op die redigeringskieslys.

Ou besprekings word na die argief geskuif (sien die navigasiekas regs). As u 'n gesprek wil voortsit wat reeds in die argief is, word aanbeveel dat u die betrokke dele uitknip en hier plak.

Hierdie blad is vir algemene besprekings, besprekings omtrent 'n spesifieke artikel kan op daardie artikel se besprekingsblad begin word; sodoende kan dit ook deur toekomstige bydraers en redigeerders gelees word.

Vir die jongste nuus van WikimediaZA, besoek gerus ons Facebook bladsy, word lid van die Afrikaanse poslys of besoek ons Tuisblad in Afrikaans

>>> Voeg 'n nuwe onderwerp by <<<

Amerikaanse voëls

Goeienaand gemeenskap! Ek is nou verbaas oor die Andiese kondor (Vultur gryphus), aangesien ek in voorbladartikels soos Chili en Chileense nasionale rugbyspan ná dié voël as Andeskondor verwys (waarskynlik danksy de:Andenkondor). Ons het ook 'n artikel Andesbeskawings. Nou wonder ek ook oor die bronskiewiet (Vanellus chilensis), die nasionale voël van Uruguay. Is dit weer Duitse invloed op my (de:Bronzekiebitz)? Die Engelse verwys na hom as en:Southern lapwing, maar die Nederlanders noem hom nl:Chileense kievit. Ons het kiewiete, maar sonder 'n skakel na die betrokke een, terwyl die Engelse ekwivalent en:Plover hom wél noem. En wat is nou die Afrikaans vir de:Weißkopfseeadler en en:Bald eagle (Haliaeetus leucocephalus, die Amerikaanse nasionale voël), Amerikaanse seearend? Voordat ek nou hardloop en 'n klomp artikels aanpas, vra ek maar eers. @Oesjaar, BurgertB, en Suidpunt: Groete. --  SpesBona 19:00, 4 Februarie 2025 (UTC)

Bald eagle = Amerikaanse adelaar, volgens Pharos. Ek dink nie Andeskondor is verkeerd nie, maar ek het dit Andiese kondor gemaak omdat die woord "Andies" bestaan. Van kiewiete weet ek ongelukkig niks, maar ek weet as 'n Afrikaanse naam nie bestaan nie, is dit raadsaam om na die Nederlandse naam te kyk (en nie die Duitse een nie). ~ Burgert (kontak) 19:16, 4 Februarie 2025 (UTC)

@BurgertB: baie dankie! Nou omdat ons oor adelaars praat: Duitsland se nasionale voël is natuurlik ook 'n adelaar, maar ek het die term bondsarend gebruik, terwyl dit in Nederlands óf "federale adelaar" óf "bondsadelaar" is. "Bondsarend" en "federale arend" kry ek maar min. Groete. --  SpesBona 19:45, 4 Februarie 2025 (UTC)

@SpesBona: Ja wat, ek dink adelaar is maar net die "grênd" woord vir arend. Die WAT noem dit "digterlik". ~ Burgert (kontak)

@BurgertB, Oesjaar, Suidpunt, en Woordgenoot: wat staan my nou te doen?

• Ek verander maar Andeskondor in Andiese kondor in die voorbladartikels wat ek geskryf het. Andeskondor is wél korrek, maar die artikelnaam is laasgenoemde.
• Los ek bronskiewiet omdat ons ook bontkiewiet het? Hierdie vraag is nog oop, help asb.
• Die Amerikaanse nasionale voël se Afrikaanse naam is Amerikaanse adelaar, dus verander ek dit maar ook.
• Artikels oor die laasgenoemde twee voëls sal gaaf wees, dan het 'n aantal voorbladartikels somer nog blou skakels. Waarskynlik kan @505noscope: hiermee help, hy is tans juis besig met Amerikaanse voëls. Groete. --  SpesBona 20:30, 5 Februarie 2025 (UTC)

@SpesBona:, tyd dat ons 'n ornitoloog nader... Ek sal, wag net 'n bietjie. Groete! Oesjaar (kontak) 20:36, 5 Februarie 2025 (UTC)

@Oesjaar: baie dankie! Maak só asb. Ek sal 'n antwoord van 'n ornitoloog opreg waarder. @505noscope: 'n Artikel oor die kiwi sal ook lekker wees. Daar is mos kompetisie tussen Suid-Afrikaners en Nieu-Seelanders. Groete. --  SpesBona 20:30, 6 Februarie 2025 (UTC)

Daar is geen Afrikaanse ornitoloog op hierdie stadium nie, en kwalik 'n ornitoloog in die breë in die hele SA. Moenie 'n eksterne owerheid betrek nie, want daar is ook geen wat hierdie rol kan vervul nie. Bronskiewiet is goed genoeg, en Amerikaanse adelaar/arend net so wel, omdat ons 'n verwysing het. Andiese kondor is paslik, maar die Amerikaanse arend is nié 'n seearend nie. JMK (kontak) 21:00, 6 Februarie 2025 (UTC)

Breederivier

Gemeenskap, kan iemand asb help met die rivier se koördinate? Groete! Oesjaar (kontak) 20:36, 7 Februarie 2025 (UTC)

@Oesjaar: wat moet ons verbeter? Die Duitse en Engelse Wikipedia's het dieselfde koördinate. Groete. --  SpesBona 20:46, 7 Februarie 2025 (UTC)

Hy wys in die oseaan. Groete! Oesjaar (kontak) 20:48, 7 Februarie 2025 (UTC)

Sover ek kan sien is dit die rivier se monding. Groete. --  SpesBona 20:50, 7 Februarie 2025 (UTC)

99,5% van die riviere en kusstede se koördinate is korrek (rooi kolletjies), ek dink die fout lê by die kaart (op die agtergrond) wat effens verskuif is. Dan lyk dit of die plek in die oseaan is! Ons moet slegs die inskrywings wat ooglopend verkeerd is aansuiwer.  Aliwal2012 05:56, 9 Februarie 2025 (UTC)

Riviere se koördinate kan op twee maniere weergegee word. Die minimum en maksimum van die geografiese opvangsgebied of die gemiddelde koördinate van die beginpunt en die eindpunt met die lengte van die rivier (normaalweg in die middel van die 100 jaar vloed). Dus twee stelle koördinate en die lengte van die rivier. Die monding van ‘n rivier in die see in is die koördinate gewoonlik waar die vars water verplaas word met sout water en die gemiddeld daarvan soos bepaal deur seisoene en getye. ‘n Enkele koördinaat kan nie ‘n rivier voorstel nie. Bygesê as dit dié gemeenskap se manier is om net een koördinaat te gebruik en dit is aanvaarbaar, dan dink ek die koördinaat moet gevat word in lyn met die kus in die middel van die rivier.

Hoop dit help :-) Struktuur (kontak) 09:50, 11 Februarie 2025 (UTC)

Datums

Maak ons nou datums skakels of nie? Ek sien my datums word nou skakels gemaak. ~ Burgert (kontak) 09:49, 12 Februarie 2025 (UTC)

Vanaf ons gesprek op my besprekingsbladsy (11:55, 12 Februarie 2025): "Ek dog dit was vir spesifieke datums (jaar, maand, en dag) en nie skakels na 'n eeu nie. Maar ja, ek sal vir eers ophou om die skakels te skep totdat dit bespreek is." - Rooiratel (kontak) 12:31, 12 Februarie 2025 (UTC)

Sover as wat ek kan onthou was die besluit dat ons NIE skakels van datums maak nie. Groete! Oesjaar (kontak) 15:11, 12 Februarie 2025 (UTC)

Sjabloon

Sjoe, kan iemand dalk agterkom wat hier aangaan?: {{Inligtingskas Militêre konflik}} ~ Burgert (kontak) 14:26, 12 Februarie 2025 (UTC)

Jammer Burgert, dis onduidelik waar die fout lê!  Aliwal2012 14:46, 12 Februarie 2025 (UTC)

Ek is tans besig om die gewraakte dele in die sjabloon op te ruim, gee net kans daarmee asb! -- Aliwal2012 15:10, 13 Februarie 2025 (UTC)

Onbekende IP-bydraer, dankie vir jou korreksies aan hierdie sjabloon, waardering!  Aliwal2012 05:57, 14 Februarie 2025 (UTC)

Upcoming Language Community Meeting (Feb 28th)

Hello everyone!

We’re excited to announce that the next Language Community Meeting is happening soon, February 28th at 14:00 UTC! If you’d like to join, simply sign up on the wiki page.

This is a participant-driven meeting where we share updates on language-related projects, discuss technical challenges in language wikis, and collaborate on solutions. In our last meeting, we covered topics like developing language keyboards, creating the Moore Wikipedia, and updates from the language support track at Wiki Indaba.

Got a topic to share? Whether it’s a technical update from your project, a challenge you need help with, or a request for interpretation support, we’d love to hear from you! Feel free to reply to this message or add agenda items to the document here.

Also, we wanted to highlight that the sixth edition of the Language & Internationalization newsletter (January 2025) is available here: Wikimedia Language and Product Localization/Newsletter/2025/January. This newsletter provides updates from the October–December 2024 quarter on new feature development, improvements in various language-related technical projects and support efforts, details about community meetings, and ideas for contributing to projects. To stay updated, you can subscribe to the newsletter on its wiki page: Wikimedia Language and Product Localization/Newsletter.

We look forward to your ideas and participation at the language community meeting, see you there!

MediaWiki message delivery 08:28, 22 Februarie 2025 (UTC)

I would like to attend. Oesjaar (kontak) 20:47, 24 Februarie 2025 (UTC)

Ek sal nie kan bywoon nie, besig met ons laerskool se atletiekbyeenkoms Vrydag. Groete!  Aliwal2012 07:06, 25 Februarie 2025 (UTC)

Enige terugvoer? Dagelf (kontak) 04:57, 9 Maart 2025 (UTC)

Dead-stick landing

Gemeenskap, ek moet dit vertaal... Ek luister...!! Groete! Oesjaar (kontak) 19:05, 24 Februarie 2025 (UTC)

Volgens die lugvaart-termelys, (2018) is dead-stick motorloos. Dus moontlik motorloselanding? Sobaka (kontak) 19:15, 24 Februarie 2025 (UTC)

Seker motorlose landing. ~ Burgert (kontak) 21:22, 24 Februarie 2025 (UTC)

Huis van Natoli

Gemeenskap, ek kry nie letter inligting oor die artikel op die Engelse Wikipedia nie. Is hierdie 'n grap? Groete! Oesjaar (kontak) 10:34, 28 Februarie 2025 (UTC)

Ek kry net dié, maar weet nie van die res nie: en:Giovanni Natoli. ~ Burgert (kontak) 10:56, 28 Februarie 2025 (UTC)

Stout wooden verandah = gedronge veranda van hout?

Die stoep van die Ou Skooltjie, Moorreesburg

Môre mense.

Ek het aanvanklik bogenoemde vertaal met "stewige veranda van hout".

Hoe langer ek egter na die foto van die Ou Skooltjie kyk, hoe meer begin ek wonder of mens nie liewer "gedronge" moet gebruik nie. Ek sukkel eintlik om 'n lekker woord te kry, maar lyk my die Hollanders ook; want ek het al "kloeke ijzertoren" teengekom, wat ek persoonlik nie sou gebruik nie.

Gewoonlik word "gedronge" met liggaamsbou gebruik. Byvoorbeeld 'n 'gedronge kêreltjie'. ' 'n Luiperd het 'n gedronge liggaamsbou vergeleke met 'n jagluiperd.' Dit is kort en 'kompak' (by gebrek aan 'n beter woord).

Hoekom ek dit sê: gewoonlik strek 'n veranda van die een hoekpunt van die huis na die ander hoekpunt (dikwels ook rondom), met die uitsondering van die Victoriaanse huise met twee gewels of pedimente weerskante, dan is daar gewoonlik so 'n stoepie tussen-in gewurg by die voordeur (soos die Carnegie-biblioteek, maar ook Pastoriestraat 6, Moorreesburg).

Wat ons egter hier op die foto aantref is 'n uitgeboude, maar verhewe stoepie met 'n afdakkie oor, wat eintlik baie kordaat of selfs parmantig voorkom.Suidpunt (kontak) 07:15, 2 Maart 2025 (UTC)

Ek dink nie die woord "gedronge" is bekend genoeg nie. En soos jy sê, word dit meestal vir mense se bou gebruik. Ek sou hou by "stewig". ~ Burgert (kontak) 11:37, 2 Maart 2025 (UTC)

Baie dankie, ek maak so! Suidpunt (kontak) 14:04, 2 Maart 2025 (UTC)

Databoks

@Rooiratel: & @Dagelf:, sien sjabloon - Databoks by Ranger 9 en Oop opvoedkundige hulpbronne. Dit bevat byskrifte in die taal van die vyand. Ek ken nie die sjabloon nie. Is daar alternatiewe of kan Databoks reggemaak word? Groete! Oesjaar (kontak) 17:06, 2 Maart 2025 (UTC)

Alles wat die Databoks wys kom van Wikidata af. As jy wil hê dit moet in Afrikaans vertoon, kan jy dit maklik vertaal op die Wikidata-item. Meeste van die lyne het 'n potlood-ikoon agteraan waarop jy kan kliek en die Afrikaanse naam insit. - Rooiratel (kontak) 10:19, 3 Maart 2025 (UTC)

"vyhand" sê jy?... Die 👹 hom hom nie tot 'n taal of ras nie.... 🕊 ... maar sal kyk! Dagelf (kontak) 04:01, 9 Maart 2025 (UTC)

Die beste oplossing is om te gebruik. Hulle werk mooi, is in goeie Afrikaans en ons kan hulle regstreeks hier op die Afrikaanse Wikipedia aanpas, wysig en bywerk. Kwaliteit bo kwantiteit asb. Groete. --  SpesBona 21:50, 10 Maart 2025 (UTC)

Mieliestronk

Ek is ongelukkig 'n paar dae laat, maar ek wil net vir dié wat belangstel, sê Mieliestronk is verlede Sondag oorlede. Sy diens was vandag. ~ Burgert (kontak) 09:43, 4 Maart 2025 (UTC)

Ag nee! Jammer om te hoor! Hy het baie vir Afrikaans gedoen via Mieliestronk. Stil kêrels, daar gaan 'n man verby... Groete! Oesjaar (kontak) 09:47, 4 Maart 2025 (UTC)

My innige medelye aan sy gesin! Hy het nog laas gesê hy is permanent op suurstof, shame! -- Aliwal2012 10:13, 4 Maart 2025 (UTC)

Ek is nou jammer om dit te hoor. Ek betuig my medelye... - Rooiratel (kontak) 10:32, 4 Maart 2025 (UTC)

RIV Mieliestronk. Lefcentreright (kontak) 17:41, 4 Maart 2025 (UTC)

R.I.V. Mieliestronk en baie dankie vir al jou taalwenke en bydrae! My innige meegevoel aan sy naasbestaandes! Groete. --  SpesBona 19:05, 4 Maart 2025 (UTC)

R.I.V. Sobaka (kontak) 07:48, 5 Maart 2025 (UTC)

Toe ek my vriend op 28 Februarie besoek het, wys ek nog vir hom onder die besoekstatistiek hoe mense steeds "Mieliestronk" op die Afrikaanse Wikipedia gesoek het. So ek glo nie sy werk was verniet nie - dit het 'n legende geword. Ek vind dit wel 'n tragedie dat niemand sy werk voortgesit het nie, en dat die webwerf dieselfde paadjie moes loop as MyFundi. Dankie meneer Olwagen, u dien vir ons as inspirasie. Suidpunt (kontak) 09:49, 6 Maart 2025 (UTC)

Moraal van die storie: Hy het geld geneem vir sy webblad, en nou is daar niks van oor nie. JMK (kontak) 20:15, 10 Maart 2025 (UTC)

Dié vraag maak my nou bang, wie gaan my en al die ander gebruikers se werk voortsit as ons een dag nie meer is nie? KI of 'n bot, onwaarskynlik! Groete. --  SpesBona 22:00, 10 Maart 2025 (UTC)

ChatGPT

Ek het lui geraak en gebruik deesdae ChatGPT om my te help vertaal. Dis nie so vinnig en moeiteloos soos Google Translate nie, maar sy vertalings is baie beter, veral vir Wikipedia-goed. Google Translate vertaal byvoorbeeld billions of [[tree]]s met biljoene [[boom]]s, maar ChatGPT gee miljarde [[boom]]e. Nie perfek nie, maar beter. ~ Burgert (kontak) 19:57, 6 Maart 2025 (UTC)

Ek sou KI veral gebruik om foute te vermy. Bv. die een span se statistiek klop nie met sy opponent nie, die bron vermeld ander getalle as die artikel (dit staaf nie dit wat in die artikel staan nie), hierdie seksie moet dringend hersien word (dit is verouderd), hierdie rekord is intussen verbeter. Daar is baie dinge wat ons met KI kan doen, veral om tyd te bespaar, aangesien dit intussen voltydse werk word. Groete. --  SpesBona 22:00, 6 Maart 2025 (UTC)

Ja, kom ons bieg almal.

Ek gebruik weer Co-Pilot van Microsoft (jy kry hom saam met EDGE), maar om ander redes. Met Russies dekonstrueer ek 'n hele teks soos: "Волколак сохраняет разум, но не может говорить." Dan sal hy uitspoeg Волколак is 'n selfstandige naamwoord, nominatief, enkelvoud, manlik. En teen die einde gee hy 'n Engelse vertaling, wat nie letterlik is nie. Letterlik sal daar staan: "wolkolak behou rede, maar nie kan praat." Omdat mens wéét die nominatief is gewoonlik die dader, en jy herken die werkwoord - dan begin jy in jou kop Afrikaanse vertalings te bedink. Ek stuur voorbeelde terug, soos "Die wolkolak is by sy volle menseverstand, maar kan nie praat nie." Dan sal die blikbrein my prys, of wat ook al.

Maar ek moet sê - daar is kere wanneer Engels so dubbelsinnig geskryf is, dat ek self nie kop of stert kan uitmaak wat de duiwel daar aangaan nie. Dan help hy sake vinnig opklaar. Ek sal eerste my interpretasie vir hom stuur, en kyk of ek gelyk had. Maar laat ek net byvoeg: dikwels sal hy 'n antwoord uitspoeg en hardkoppig aan sy interpretasie vasklou, tot jy hom met teenbewyse begin voer. Want hy sien net die teks voor hom, ons is die regisseurs en poppemeesters wat die hele konteks begryp waarteen die toneel afgespeel het.

Ek sit juis hier met Jewish Life, waarin gepraat word van 'n Reverend. Nou, 'reverend' is blykbaar 'n Engelse begrip in die 19de eeu gebruik vir 'n Joodse leier wat nie die kwalifikasies van 'n rabbi het nie, maar nog steeds sekere dienste mag lei, al is hy nie georden nie. Ons tref iets soortgelyk aan met siektetroosters tydens die bewind van die VOC, en oefenaars in die 1930's van die NG Kerk. En nee, reverend kan jy nie in Afrikaans vertaal nie, want daar is nie 'n woord daarvoor nie. "Eerwaarde" het oorspronklik hier te lande "sendelingpredikant" beteken; jy kan dit nie net so gaan oorplant in die Jodedom nie. Suidpunt (kontak) 10:07, 7 Maart 2025 (UTC)

Interessant, wat is in jou opinie die mees akkuraatste en ondubbelsinnige engelse vertaling vir "Dominee"? Dagelf (kontak) 04:13, 9 Maart 2025 (UTC)

@Dagelf: My vriend het vir my 'n rukkie na my skrywe 'n Youtube-video van Moorreesburg gestuur uit 1987 en daar word openlik gepraat van Joodse "kerke" en "priesters". Nou lees ek weer 'n priester (Kohen) het nie noodwendig die kwalifikasies van 'n rabbi nie. Ek kan netsowel maar nou vir die Joodse raad skryf. Nou is ek regtig deurmekaar.

Ieder geval, Jewish Life (2004) het geskryf, rondom die Jode van Moorreesburg: "Jewish-Gentile relations were mainly confined to business relations". Absolute bog. Van hierdie Jode het juis ten volle in die Afrikaanse gemeenskap geïntegreerd geraak. In die video is daar Boerejode aan die woord: Ivan Katz en Goodman. Hulle praat Afrikaans soos Moorreesburgers met 'n bry. Katz erken selfs sy suster, wat Kaap toe gestuur is om te gaan leer, het nie 'n woord Ingels geken toe sy daar aankom nie. En, in so 'n klein gemeenskappie in die tweede helfte van die 20ste eeu... jy kan mos nie wegkruip nie. En buitendien, hoe bedryf jy besigheid, hoe bou jy sake-verhoudings as jy jou heeltyd eenkant en afsydig hou? Ek het op foto's afgekom waar 'n Goodman-moeder by die kraamsaal saam met ander Afrikanermoeders staan, en ook waar hul dogter saam in die laerskool met Afrikanerdogters was. Dit wys jou - jy kan nie alles glo wat jy lees nie.

Ek voel dominee moet eintlik dominee bly. Ook weier ek volstrek om 'n vrouepredikant as dominee aan te spreek. Ek sal haar altyd domina noem. Kyk, in Latyn het jy mos dominus (heer, meester), en in die aanroepvorm is dit domine (uitgespreek dominei); nou in Nederlands het dit douminei geword, en in Afrikaans doominee. Feit bly staan is, dit is die manlike vorm. Die vroulike vorm is domina in die naamvorm, en in die aanroepvorm is dit eweneens domina. Ek sal haar 'n dominee noem as sy snor dra.Suidpunt (kontak) 09:23, 11 Maart 2025 (UTC)

Ek gebruik GTMs 😉 om my sosiale media, Whatsapp groepe, en bladsye soos hierdie op te som... mis steeds dinge, maar minder aangesien ek nooit als self sou lees nie. Ek dink daaraan om dit in 'n program te verander waaruit meer mense kan nut vind.

Ter interessantheid, hier is die opsomming vir die Geselshoekie tans, ek het die kulturele opsomming onverwags interessant gevind.

Sleutelinsigte

• Tegnies: Naamgewingsakkuraatheid word nagestreef, koördinaatkompleksiteit (riviere) vereis nadenke, sjabloonoplossings sukkel.
• Teenintuïtief: Duitse/Nederlandse invloed bly omstrede, KI help maar struikel, enkelrivierkoördinate volstaan ondanks logika wat meer verwag.
• Kultureel: Afrikaanse Wikipedia meng praktiese benadering, erfenis en wêreldwye betrokkenheid met humor en veerkragtigheid.

Key Insights

• Technical: Naming precision (birds), coordinate complexity (rivers), template fixes ongoing.
• Counterintuitive: German/Dutch influence debated, AI aids yet falters, single river coordinates suffice despite logic.
• Cultural: Afrikaans Wikipedia blends practicality, heritage, and global engagement with humor and resilience.

Dagelf (kontak) 04:33, 9 Maart 2025 (UTC)

Vir die wat belangstel in ander geselshoekie opsommings (ek doen as 'n voormalige WMZA admin vrywilliger):

Afrikaans Engels Sesotho Siswathi Swahili Zoeloe Dit blyk of Xhosa geen geselshoekie het nie..?! Dagelf (kontak) 04:53, 9 Maart 2025 (UTC)

Geluk met jou verjaarsdag!

Ek sien FB sê jy verjaar vandag! Geluk met jou verjaarsdag Gebruiker:BurgertB! Dankie vir jou volgehoue ondersteuning hier! Groete! Oesjaar (kontak) 11:45, 7 Maart 2025 (UTC)

Baie dankie! ~ Burgert (kontak) 15:45, 7 Maart 2025 (UTC)

Veels geluk Burgert!  Aliwal2012 09:25, 9 Maart 2025 (UTC)

Universal Code of Conduct annual review: proposed changes are available for comment

My apologies for writing in English. Help met die vertaal na uw taal.

I am writing to you to let you know that proposed changes to the Universal Code of Conduct (UCoC) Enforcement Guidelines and Universal Code of Conduct Coordinating Committee (U4C) Charter are open for review. You can provide feedback on suggested changes through the end of day on Tuesday, 18 March 2025. This is the second step in the annual review process, the final step will be community voting on the proposed changes. Read more information and find relevant links about the process on the UCoC annual review page on Meta.

The Universal Code of Conduct Coordinating Committee (U4C) is a global group dedicated to providing an equitable and consistent implementation of the UCoC. This annual review was planned and implemented by the U4C. For more information and the responsibilities of the U4C, you may review the U4C Charter.

Please share this information with other members in your community wherever else might be appropriate.

-- In cooperation with the U4C, Keegan (WMF) 18:51, 7 Maart 2025 (UTC)

English has been forced on us for at least 200 years, as a result I have yet to meet an Afrikaans person who is not relatively fluent... 😅 But we do dearly appreciate the pre-emptive apology. 💗 Dagelf (kontak) 04:16, 9 Maart 2025 (UTC)

Athol Fugard

Gemeenskap, die persoon is oorlede en die artikel gaan baie besoek word oor die volgende paar dae. Kan iemand asb help met bronne/verwysings in die artikel? Dit lyk tans nie goed nie. Groete! Oesjaar (kontak) 15:14, 9 Maart 2025 (UTC)

Ja swaer, baie dinge in die land lyk nie goed nie! Maar ek sal nie Amerika toe trek nie, al vra Trump my ook. Die man is regtig arrogant.  Aliwal2012 16:30, 9 Maart 2025 (UTC)

Mense wat nie bakhand by die staat staan nie, gaan altyd in aanvraag wees. Australië is net so gretig om hulle te ontvang. JMK (kontak) 18:40, 10 Maart 2025 (UTC)

Het u geweet...

Ek sien daar is twee brokkies wat presies dieselfde is. ~ Burgert (kontak) 09:38, 10 Maart 2025 (UTC)

By my vertoon daar 5 verskillendes  Aliwal2012 09:59, 10 Maart 2025 (UTC)

Ek het dit al voorheen ook teëgekom en sien dit tans ook. Groete! Oesjaar (kontak) 14:39, 10 Maart 2025 (UTC)

Ek sien vyf verskillendes. As julle twee keer dieselfde sien, kan julle die voorblad verfris (sien die skakel heel onder). Groete. --  SpesBona 21:55, 10 Maart 2025 (UTC)

Ivy Mike- kerntoets

Gemeenskap, ek het die hulp van Dr. Van Zyl de Villiers ingeroep om te proeflees aan bogenoemde net om seker te maak ek blaas nie hele Wikipedia op nie! Hy het by die Atoomenergiekorporasie (AEK) gewerk. Sien hieronder:

Beste Deon

Baie dankie vir die skakel na die Ivy Mike-inskrywing. Dit vertel 'n interessante maar ook pynlike verhaal van die vroeë dae van die atoomera wat ongelukkig steeds – in die oë van die publiek en baie politici - die omvattende positiewe gebruike van kerntegnologie oorheers.

Ek dink die vertaling is uitstekend gedoen, veral in die lig van die tegniese aard van die inskrywing. Ek het bloot enkele opmerkings:

Ek verkies “klowing” bo “splyting” vir fission en “versmelting” bo “fusie” vir fusion, maar dis 'n kwessie van smaak. Al die genoemde vertaalekwivalente word erken en algemeen gebruik.

Vertaling van cryogenics plant/facility is 'n tameletjie, maar “laetemperatuurfisika-aanleg” werk nie vir my lekker nie. “Kriogeenaanleg” of “kriogeenfasiliteit” kan dalk werk (nie *”kriogeniese aanleg” nie), maar die beste is dalk om te praat van 'n “laetemperatuuraanleg” (sonder -fisika-). Ek reken daar behoort in die vierde paragraaf onder die opskrif “Ontploffing” eerder na 'n “ontploffingsklankgolf” verwys te word. Uit 'n wetenskaplike oogpunt verstaan ek nie die verwysing na die besmetting van monsters deur kalsiumkarbonaat nie (reeds in die Engelse weergawe genoem). Dit skep die indruk van 'n hoë konsentrasie kalsiumkarbonaat in die lug na die ontploffing, wat eintlik net vanaf beton (waarvan daar redelik min in die Mike-opstelling was) of dalk korale afkomstig kon wees.

Ek het lank reeds beplan om tot die Afrikaanse Wikipedia te begin bydra, maar my werkslas het dit nog nie juis toegelaat nie. Hoe gaan 'n mens te werk om redigering van bestaande inskrywings of vertalings van Engelse inskrywings na Afrikaans te doen? Ek weet dat jy in die verlede opleidingsessies in dié verband gedoen het. Vind dit steeds plaas?

'n Laaste vraag in hierdie jaar van Afrikaans 100: is genoeg Afrikaanssprekendes bewus van (en gebruik) die Afrikaanse Wikipedia? Wat my betref behoort alle Afrikaanssprekendes daarvan te weet en gereeld daaraan herinner te word. Baie nie-Engelssprekendes se instink is ongelukkig steeds om te Google (waar hulle grootliks Engelse materiaal kry) of om vrae in Engels aan KI-toepassings te vra. Dit sal goed wees om sommige van daardie mense in die rigting van die Afrikaanse Wikipedia te stuur sodat hulle daardeur hopelik meer van hul skryf- of praatwerk in Afrikaans sal doen. Dit sal dan sommer ook opbrengs lewer op jou en ander mense se harde werk om Wikipedia se Afrikaanse inhoud te verhoog. Omvattende bewusmaking en gereelde herinnering sal wel hiervoor nodig wees.

Beste groete Van Zyl

Interessant en ek deel graag met julle! Groete! Oesjaar (kontak) 18:54, 10 Maart 2025 (UTC)

Bronne, voorkeure en ander dinge

Dankie vir bostaande. Wat die KI betref, 'n wetenskaplike van Wits het onlangs op FB genoem dat hy sy ChatGTP-subskripsie gesluit het omdat hy die antwoorde nagegaan het en gevind het dat dit oorwegend van swak gehalte was. Die antwoorde lyk dus reg by eerste oogopslag, maar by nadere ondersoek is dit nie. Dit beteken bloot dat alle taalweergawes van wikipedia belangrik bly, solank dit noukeurig opgestel word. En wat Afrikaanse wikipedia betref, sal die onlangse sluiting van 'n paar Afrikaanse koerante, en die vermindering van joernaliste wat daarmee saamgaan, beteken dat Afrikaanse wikipedia belangriker Afrikaanse leesstof word. Wat nuusgebeure betref, word wikipedia-inskrywings nou effe moeiliker omdat die bronne nou kariger is. Maar daar is in elk geval so min Afrikaanse wikipedia- of commons-bydraers dat daardie koerantbronne nie naastenby na behore gebruik is nie. Die afname in die getal Afrikaanse skole voorspel ook niks goeds wat toekomstige bydraes en bydraers betref nie. JMK (kontak) 19:54, 10 Maart 2025 (UTC)

@JMK: ek stem 100% saam. Ons opdrag vir Afrikaans word net groter en groter en ons kan ons opdrag net vervul as ons kwaliteit bo kwantiteit plaas, andersins skakel ons lesers na Engels oor. Enkele weke gelede was dit ook 'n gesprek op RSG se taaldinge, maar hulle het nie die Afrikaanse Wikipedia genoem nie. Groete. --  SpesBona 22:00, 10 Maart 2025 (UTC)

@SpesBona: Ons grootste vriend en vyand is egter die geldmag Google. As mense se fone op Engels ingestel is, sal hulle altyd in die Google soekresultate eerste die Engelse Wikipedia as antwoord kry. Co-Pilot soek ook altyd, as ek my vrae in Engels sou vra, deur die Engelse Wikipedia. Skryf ek in geradbraakte Duits, dan doen hy wel soms meer moeite om deur die Duitse Wikipedia se sif. Ek weet dit, want my eie foon is op Duits ingestel. My tablet wel in Engels (ek gaan hom nog Frans maak, gee kans...). Dit help my net om makliker Duitse bronne te bekom. Suidpunt (kontak) 10:00, 11 Maart 2025 (UTC)

@Suidpunt: daaraan kan ons min doen, dit is elke moedertaalspreker se eie keuse. In Duitsland is daar ook Afrikaanssprekendes, maar hulle weet myns insiens niks van die Afrikaanse Wikipedia nie. Ek het beide my skootrekenaar en slimfoon ook in Afrikaans opgelei. Ons kan net die lesers wat ons reeds het met spogartikels behou, andersins is ons hulle ook kwyt. Voyageur het hom altyd vir kwaliteit beywer en ook oor dinge geskryf wat die Engelse Wikipedia nie eers noem nie. Danksy Wikipedia se 2022-skin sien die oorgrote meerderheid nie eers ons voorbladartikels nie (voorheen die goue ster by ander tale links). Bo links is slegs 'n klein kassie met "XYZ tale" en dit is ook volgens die leser se keuse gerangskik en dan sy streektale. In die 2010-skin was Afrikaans een van die eerste tale bo (danksy die "af:"). Sedertdien het ons aantal lesers skerp gedaal en ons boer agteruit (ook volgens kwaliteit danksy botartikels en duisende saadjies met skaars 'n aantal sinne en bronne wat nie eers 'n inligtingskassie het nie [sien my opmerking bo]). Ná 17 jaar se aanwesigheid hier kan ek uit my kop ook meer inaktiewe as aktiewe gebruikers noem (Adriaan, Anrie, Arnobarnard, BenBezuidenhout, Hansjoseph, Jcwf, JCBrand, Laurens, RAM, Puvircho, ens.). Goeie hoop, ja-nee. Groete. --  SpesBona 21:30, 11 Maart 2025 (UTC)

Ja-nee, ek dink ook daardie duisende tweesinsaadjies wat deesdae geskep word, is 'n onding. Dit verswak ons Wikipdia. ~ Burgert (kontak) 08:50, 13 Maart 2025 (UTC)

Stomme film?

Kollegas, is julle bekend met hierdie term? Gebruiker @Rooiratel: het vandag 'n artikel Stomme film geskep, maar die titel vang my uit, nog nooit daarvan gehoor nie!

Moet dit nie stilfilm heet nie? Groete, -- Aliwal2012 12:39, 11 Maart 2025 (UTC)

Ek het die naam van nlwiki gekry. Verander dit maar as dit nie korrekte Afrikaans is nie. - Rooiratel (kontak) 12:47, 11 Maart 2025 (UTC)

Ek ken ook net stilfilm. Groete! Oesjaar (kontak) 12:48, 11 Maart 2025 (UTC)

Selfde hier ken stilfilm of stilrolprent. Sobaka (kontak) 13:33, 11 Maart 2025 (UTC)

Uitgevoer dit is verskuif na stilfilm. Groete -- Aliwal2012 07:27, 12 Maart 2025 (UTC)

My vrou dink soms sy is my stomme eggenoot omdat sy met my getroud is, maar sy is nie stil nie. Thermofan (kontak) 08:14, 12 Maart 2025 (UTC)

An improved dashboard for the Content Translation tool

Hallo Wikipedians,

Apologies as this message is not in your language, Help met die vertaal na uw taal.

The Language and Product Localization team has improved the Content Translation dashboard to create a consistent experience for all contributors using mobile and desktop devices. Below is a breakdown of important information about the improvement.

What are the improvements?

The improved translation dashboard allows all logged-in users of the tool to enjoy a consistent experience regardless of their type of device. With a harmonized experience, logged-in desktop users can now access the capabilities shown in the image below.

Notice that in this screenshot, the new dashboard allows: Users to adjust suggestions with the "For you" and "...More" buttons to select general topics or community-created collections (like the example of Climate topic). Also, users can use translation to create new articles (as before) and expand existing articles section by section. You can see how suggestions are provided in the new dashboard in two groups ("Create new pages" and "Expand with new sections")-one for each activity.

In the current dashboard, you will notice that you can't adjust suggestions to select topics or community-created collections. Also, you can't expand on existing articles by translating new sections.

Does this improvement change the current accessibility of this tool in this Wikipedia?
The Language and Product Localization team acknowledges your concern with exposing the Content translation tool. So, be rest assured that it will remain in beta, ensuring that only logged-in users who activated the tool from the beta features will continue to have access to the content translation tool. Also, if the tool is only available to a specific user group, it will remain that way.

When do we plan to implement this improvement?
We will implement it on your Wikipedia and others by 24th, March 2025.

What happens to the former dashboard after we implement the improvement?
You can still access it in the tool for some time. We will remove it from all Wikipedias by May 2025, as maintaining it will no longer be productive.

Where can I test this improvement and report any issues before it is implemented in this Wiki?
You can try the improved capabilities in the test wiki using this link:https://test.wikipedia.org/w/index.php?title=Special:ContentTranslation&campaign=contributionsmenu&to=es&filter-type=automatic&filter-id=previous-edits&active-list=suggestions&from=en#/. If you notice an issue related to the improved dashboard in the test wiki, please let us know in this thread and ping me, or report it in Phabricator, adding these tags:BUG REPORT and ContentTranslation. Please ask us any questions regarding this improvement.

Thank you!

On behalf of the Language and Product Localization team. UOzurumba (WMF) (kontak) 19:08, 14 Maart 2025 (UTC)

@Rooiratel:, wat beteken bogenoemde in Afrikaans? Groete! Oesjaar (kontak) 14:32, 15 Maart 2025 (UTC)

Jou wiki sal binnekort oorskakel na die lees-alleen modus.

Lees hierdie boodskap in 'n ander taal • Help met die vertaal na uw taal

Die Wikimedia Foundation sal die verkeer tussen sy datasentrums ruil. Dit sal verseker dat Wikipedia en die ander Wikimedia wiki's aanlyn kan bly, selfs ná 'n ramp.

Hulle sal alle verkeer na die sekondêre datacenter op 19 Maart oorskakel. Die toets begin om 14:00 UTC

Ongelukkig, as gevolg van 'n paar beperkings in MediaWiki, moet alle redigering stop terwyl ons oorskakel. Ons vra om verskoning vir hierdie ontwrigting en werk daarna om dit in die toekoms tot die minimum te beperk.

'n Banier sal op alle wiki's vertoon 30 minute voor hierdie operasie plaasvind. Hierdie banier sal tot die einde van die operasie verskyn.

U sal alle wiki's vir 'n kort tydjie kan lees, maar nie kan redigeer nie.

• U sal vir 'n uur lank nie kan wysig nie om Woensdag 19 Maart 2025.
• As u gedurende hierdie tye probeer redigeer of stoor, sal u 'n foutboodskap sien. Ons hoop dat geen wysigings verlore sal gaan gedurende hierdie minute nie, maar ons kan dit nie waarborg nie. As u die foutboodskap sien, wag dan totdat alles weer normaal is. Dan moet u u redigering kan stoor. Maar ons beveel aan dat u eers 'n afskrif van u wysigings maak, net vir ingeval.

Ander effekte:

• Agtergrondwerk sal stadiger wees en sommige sal moontlik afgeneem word. Rooi skakels word moontlik nie so vinnig soos gewoonlik opgedateer nie. As u 'n artikel skep wat reeds elders gekoppel is, sal die skakel langer as gewoonlik rooi bly. Sommige skrifte met 'n lang looptyd moet gestop word.
• Ons verwag dat die uitrol van nuwe kode soos enige ander week sal plaasvind. Alhoewel, sommige gevalle van kodevries kan egter stiptelik plaasvind as die operasie dit daarna vereis.
• GitLab sal vir ongeveer 90 minute onbeskikbaar wees.

Hierdie projek kan indien nodig uitgestel word. Jy kan die skedule lees by wikitech.wikimedia.org. Enige veranderinge sal in die skedule aangekondig word.

Deel asseblief hierdie inligting met u gemeenskap.

MediaWiki message delivery 23:14, 14 Maart 2025 (UTC)

Saadjies

Nikolai Kurbatov het in die eerste helfte van Maart alleen byna duisend saadjies van twee sinne elk geskep. Is dit vir almal aanvaarbaar? Is gestremdheid 'n verskoning om te doen wat jy wil? Wat is ons diepte deesdae? ~ Burgert (kontak) 13:11, 15 Maart 2025 (UTC)

Hallo Burgert, jou redenasie hieroor mag 100% in die kol wees, maar dit gaan jou niks baat nie. Vir sommige mense is saadjies van 2 sinne die eutopia, hulle vind nie fout daarmee nie. (Sien Saadjieplanters wat ek reeds op 27 Junie 2017 geskryf het.) Groete,  Aliwal2012 13:30, 15 Maart 2025 (UTC)

Ons diepte is tans 35, was 43 op 'n tyd. Groete! Oesjaar (kontak) 14:30, 15 Maart 2025 (UTC)

Voel lankal ons moet aan mnr Kurbatov 'n limiet stel. Iets soos "5 sinne of niks". Ek is seker daar is baie atlete waaroor mens 5 sinne kan skryf, as dit nou atlete moet wees. Ek is terloops ook oortuig dat hy dit om 'n ander rede opstel as om tot 'n ensiklopedie by te dra. Hy stel dit op as 'n databasis tot 'n ander, waarskynlik persoonlike projek, en af.wiki is die stortingsterrein. Dat hy werklik gestremd is weet ons seker ook nie. Minstens een ander gebruiker het ons arm gedraai/afgepers met sy sterflikheid. JMK (kontak) 16:38, 16 Maart 2025 (UTC)

Hy skep duisende sulke saadjies op verskeie Wikipedias en oor verskeie onderwerpe, en dis alles masjienvertaal. ~ Burgert (kontak) 16:58, 16 Maart 2025 (UTC)

Kurbatov doen 'n tipe masjienvertaling, of die geoutomatiseerde skep van artikels, dit is baie duidelik. Sy verweer is dat hy nie Afrikaans magtig is nie en daarom nie "vleis" kan aansit aan sy saadjies nie. Ons sit nou hande-in-die-hare! -- Aliwal2012 17:16, 16 Maart 2025 (UTC)

My gevoel, hy het die einde van sy pad hier bereik. Saadjies is goed maar daar moet balans wees. Groete! Oesjaar (kontak) 17:40, 16 Maart 2025 (UTC)

Stem. Die groeipotensiaal van hierdie saadjies is zero. JMK (kontak) 18:53, 16 Maart 2025 (UTC)