Suidpunt

Argief
Argief 1	Argief 2	2018-19
2020-22	2023-25
Hoe word 'n argief aangelê?

Veteraanredakteur II
(12 jaar, 15 000+)
Toegeken deur Aliwal2012

Stem asb vir Kandidaatartikels!

Hallo Suidpunt!

Sal jy so gaaf wees om vir nominasies te stem by Wikipedia:Kandidaatartikels vir voorblad? Dit sal meer gewig gee aan die nuwe nominasies.  SpesBona 21:55, 3 Januarie 2024 (UTC)

Nuwe voorstelle vir voorbladartikels

Hallo Suidpunt!

Daar is 'n klomp nuwe voorstelle by Wikipedia:Kandidaatartikels vir voorblad. Sien jy kans om vir die een of ander te stem? Groete. --  SpesBona 21:16, 18 April 2024 (UTC)

Goeienaand Suidpunt,

Daar is weer 'n talle nuwe voorstelle by Wikipedia:Kandidaatartikels vir voorblad. Ek nooi jou om jou stem uit te bring. Groete. --  SpesBona 20:30, 15 Augustus 2024 (UTC)

Kaapse luiperd

Baie geluk! Hierdie artikel is as voorbladartikel aangewys Kaapse luiperd, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.

Baie geluk met dié nuwe en interessante voorbladartikel. Ek geniet elke nuwe voorbladartikel van jou kant af, aangesien hulle maar skaars is. Poema, leeu, wolf, jagluiperd, tierluislang, ek onthou almal!

Terloops, stel jy belang in etimologie? Die hele Meimaand het ek spandeer aan stadsname, sien veranderings aan voorbladartikels, maar 'n proeflees is deesdae skaars! Groete. --  SpesBona 22:43, 23 Mei 2024 (UTC)

Kontak versoek

Goeie naand mnr. Suidpunt. Stuur asb vir my jou foonnr na gert.coetzee2010@gmail.com. Ek wil iets met jou reël, ek besoek die Wes-Kaap einde Augustus. Groete, -- Aliwal2012 20:01, 14 Julie 2024 (UTC)

T-hemp

Ek wil vir jou 'n t-hemp stuur via Aliwal2012. Wattter grootte? Groete! Oesjaar (kontak) 13:33, 16 Julie 2024 (UTC)

Hallo's! Kom ons maak dit maar 'n L. Suidpunt (kontak) 13:48, 16 Julie 2024 (UTC)

Wikipedia T-hemp aan Suidpunt afgelewer op 1 Sep. Groete, -- Aliwal2012 19:48, 1 September 2024 (UTC)

Plaaslike radio-onderhoude

Baie geluk met die drié artikels (2 x Rapport, 1 x Suidernuus), plus dan nog 'n onderhoud op RSG! Dit was regtig 'n mooi gedagte met Suidernuus, want ek glo hulle sal hul gehalte steeds ensiklopedies-waardig hou. Dankie vir die wekroep, want ek was laaaaank weg. Maar regtig, ek hoop daar word 'n lysie gehou van elke gesprek wat gevoer word. Want prof. T.J. Haarhoff maak my nou nog mal; dié vent het rond en bont in elke liewe tydskrif en koerant iets geskryf; en soos Lego-blokkies is die goed die wêreld vol verstrooi! Suidpunt (kontak) 13:48, 16 Julie 2024 (UTC)

Die meeste radio-onderhoude word gestoor, iewers op Meta. Hou dit in gedagte. Ons praat nou weekliks ook op Radio Overberg, elke Woensdag om 10:15. Hier maak ek, Gebruiker:Sobaka en Gebruiker:Woordgenoot weekliks beurte om te praat. Ek en my vrou het die eerste week van Julie die Roete 62 toer gedoen en ondere andere daar in Bredasdorp rondgeloop toe ek die radiostasie en Suidernuus gesien het. Siende dat ek niks gehad het om te verloor nie, het ek my geluk gaan beproef... Groete! Oesjaar (kontak) 07:58, 30 Julie 2024 (UTC)

@Suidpunt:, die redaktrise van Suidernuus, Mathabo le Roux, wil jou graag ontmoet. Kan jy met haar kontak maak? Groete! Oesjaar (kontak) 10:20, 30 Julie 2024 (UTC)

@Oesjaar: Goed, maar hoe gaan hulle weet dis ekke? Jammer dat ek nou 'n onnodige perd opsaal, maar is daar dalk 'n kodewoord of iets? Ek bedoel, enigiemand kan daar net instap.

As dit moontlik is - laat dit tydens 'n stil dag geskied (sommer by hulle), en laat die Suidernuus die tyd bepaal; Donderdae is saktyd, en vandag is bietjie te gou. Sover ek weet is Dinsdae die laaste dag wanneer jy artikels kan inlewer (dis hoe ek dit onthou). En dit help ook nie vir die koerant ek kom daar aan met net 'n bek vol tande nie.

Hulle gaan seker vrae hê waarom die Bredasdorp-artikel, wat destyds deur 'n 21-jarige geskryf is, die afgelope 13 jaar so bly staan het. Weet ek nou al.

Ek gaan binnekort sommer ook 'n paar webwerwe lys wat ek vir die koerant wil wys, onder andere die Sabinet-, JSTOR-, Oxford- en De Gruyter-biblioteek. Die nuutste, die beste e-boeke wat R2 999 stuk sou kos, of $25 per artikel, kan jy daar gratis en verniet aflaai. Mits jy 'n Wikipedia-lid vir 6 maande is, 500 bydraes gelewer het (elke keer wanneer jy bv. 'n spelfout regmaak), ens. As die lesers besef hulle kan geld spaar, op 'n wettige manier, spits hulle klaar die ore.

Ek beskou dit as die grootste agterdeur van die mensdom.

Verder sal hulle seker 'n paar verbeterings of aanbevelings vir die koerant wil aanhoor. Daar is regtig nie veel nie.

Dankie Oesjaar, ek weet onthale by troues is erger om te reël as 'n ontmoeting. (ha-ha) Suidpunt (kontak) 10:12, 31 Julie 2024 (UTC)

Gee vir my 'n epos adres of sel nommer waar ek haar info vir jou kan gee. Groete! Oesjaar (kontak) 10:19, 31 Julie 2024 (UTC)

Of gaan net soontoe en sê jy is Gebruiker:Suidpunt. Ek het haar ingelig. Groete! Oesjaar (kontak) 10:47, 31 Julie 2024 (UTC)

Jammer ek het so lank gedraai; ek het darem nou vier bladsytjies vol besprekingspunte. Nou voel ek beter. Ek gaan Maandag soontoe om 'n afspraak te maak. Ek hoop regtig nie dit het enigiemand verontrief nie, of dat iemand die hele Vrydag op my gewag het soos by 'n detensie nie. Ek verkies net om voorbereid daar aan te kom. Suidpunt (kontak) 16:18, 2 Augustus 2024 (UTC)

@Suidpunt:, enige vordering met Suidernuus? Groete! Oesjaar (kontak) 10:55, 5 Augustus 2024 (UTC)

@Oesjaar: O, ja! Hallo. Ja - ons het 'n onderhoud gereël vir volgende Donderdagoggend. Ek sien baie uit daarna. :) Suidpunt (kontak) 18:38, 5 Augustus 2024 (UTC)

@Suidpunt: Die waarheid, die hele waarheid en niks anders as die waarheid nie... Groete! Oesjaar (kontak) 20:29, 5 Augustus 2024 (UTC)

@Suidpunt:, en.... Groete! Oesjaar (kontak) 20:12, 12 Augustus 2024 (UTC)

@Oesjaar: Hallo Oesjaar, jammer ek is bietjie uitstedig. Het Latynse take, en ek's besig om die feitlik onbekende banneling Ockie T. de Villiers se boek (1903) deur te lees; blykbaar was Moorreesburg vir 'n uur lank in Boerebesit. Ek kon dit nie in Moorreesburg se twee kerkjaarboekies vind nie. (Moet sê, dis netjiese kaarte wat die man teken van die Bergrivier.)

In elk geval, ek het self 'n vraag... Wat is die malste ding waarby ons Wikipedia al betrek is? Ek bedoel nou een of ander modegier of gril wat diegene in Amerika van menslike hulpbronne al bedink het so mooi by hul idee van Afrika sou pas? Ek bedoel nou, wat totaal en al uit voeling is met wat ons hier te lande benodig? Veral vanweë die onbenydenswaardige posisie as Burokraat en Verteenwoordiger waarin Oesjaar verkeer, glo ek die e-posse loop oor van one-laptop-per-child, of iets. Want ek wil een punt benadruk: ons stel net belang in meer bronne en onbelemmerde stroom inligting, sodat ons beter werk kan lewer. Suidpunt (kontak) 09:28, 13 Augustus 2024 (UTC)

Wat ek bedoel is: watter ding sou ons eintlik uit die werk gehou en meer skade as goed gedoen het? Suidpunt (kontak) 09:30, 13 Augustus 2024 (UTC)

@Suidpunt:, was jy toe by Suidernuus? Groete! Oesjaar (kontak) 11:59, 13 Augustus 2024 (UTC)

@Oesjaar:, o, ek sien nou waar die verwarring ingetree het: 'nie hierdie Donderdag nie, maar volgende Donderdag.' Datum: 15 Augustus. Sy het my nommer en sal my bel, maar ek gaan in elk geval dus hierdie Donderdagoggend soontoe. Ek't gedink Donderdae is hulle op hul bedrywigste met die drukwerk, maar saktyd is Woensdae. Maar ja - sterkte met môre se radio... Suidpunt (kontak) 13:21, 13 Augustus 2024 (UTC)

Dit is môre Sobaka se beurt om te praat, maar die omroeper het haar stem verloor. Nou wag ons maar... Groete! Oesjaar (kontak) 14:41, 13 Augustus 2024 (UTC)

@Suidpunt:, en... Groete! Oesjaar (kontak) 19:58, 18 Augustus 2024 (UTC)

@Oesjaar:, en... nee... Dit is uitgestel na die 22ste Augustus; dit is maar die lewe van 'n joernalis. Hulle was wel beïndruk dat ek twee weke later nog onthou het. Ek het my voorgeneem, as hierdie week nie slaag nie, gaan ek self 500 woorde skryf. So kort moontlik. Suidpunt (kontak) 20:00, 18 Augustus 2024 (UTC)

@Suidpunt:,...en... Oesjaar (kontak) 20:54, 1 September 2024 (UTC)

@Oesjaar: Die 500 woorde is Sondag (25 Augustus) geskryf, Maandag ingedien (26 Augustus), met dank op Dinsdag (27 Augustus) aanvaar [om die waarheid te sê: "Een van die lekkerste stukke wat ek in 'n lang tyd gelees het"], en vandag het ek, dankie @Aliwal2012:!, met my hemp poseer vir 'n foto so om en by 14:00. Dankie Oesjaar vir die konstante opvolg en micro-management soos ESTJ's so goed in uitblink. Ons sê net nooit genoeg dankie nie. Die tydsberekening was perfek!

Me. Le Roux het gevra: "Is jy tevrede met die taalgebruik?" met verwysing na "Ek werk op Wikipedia", toe sê ek - "As ek vir Wikipedia gewerk het, sou ek betaling gekry het." Toe verstaan almal. Suidpunt (kontak) 12:59, 2 September 2024 (UTC)

@Suidpunt:, enige kans dat ons kan sien wat in die koerant geplaas is? Foto geneem? Groete! Oesjaar (kontak) 06:21, 4 September 2024 (UTC)

Gee kans... die koerant moet nog eers gedruk word! Ha-ha! Suidpunt (kontak) 12:49, 4 September 2024 (UTC)

Jou berig gesien! Goed gedoen! Groete! Oesjaar (kontak) 19:03, 15 September 2024 (UTC)

@Oesjaar: Dankie dat ek u naam ydelik kon gebruik het. :) Suidpunt (kontak) 19:57, 15 September 2024 (UTC)

As jy jou Frans wil toets

Goeienaand Suidpunt, hoe gaan dit aan jou kant? Ek gebruik Duolingo om Frans aan te leer, maar desondanks was dit 'n bietjie moeilik om Drapeau de la Belgique in vlag van België te vertaal. Dié artikel is nou beter as Duits, Engels en Nederlands saam, maar ek wonder oor my taalgebruik. Veral die ingewikkelde sinne het my verwaar. Hoewel ek gewoond is aan lang sinne met Haupt- en Nebensätzen en Kommas, ens, raak dit in Afrikaans ingewikkeld, veral as jy vir 'n beter leesvloei dit wil vermy en kommas liefs wil spaar. Het jy dalk 'n bietjie tyd om na dié artikel te kyk? Groete. --  SpesBona 19:30, 13 September 2024 (UTC)

@SpesBona: OK. Ek sal daarna kyk.

Lupellus het by jou aangesluit op Duolingo. Moenie kom kommer wat jy daar sien nie - ek eet nie elke dag dieselfde kos nie, dus leer ek nie elke dag dieselfde taal nie.

Ek kry die gevoel jy maak die lewe op Duolingo vir jouself bitter moeilik. Of hoe gaan jy te werk?

Weet jy as jy soggens tussen 6 vm. tot 12 nm. 'n oefening doen, jy outomaties, as jy op die blou juwele klik, die "Night Owl Chest" kry? Dit beteken jy kry saans dubbel soveel punte. So ook as jy tussen 6 nm. en 12 vm. werk en "Early Bird Chest" op klik, jy outomaties dubbel soveel punte die oggend verdien? En as jy dubbel punte verdien, kan jy vinniger en meer juwele verkry. Met meer juwele kan jy meermale foute maak. Wat Duolingo wil hê: dat jy soggens en saans een oefening moet doen.

Jy kan 5 ure wag vir 'n enkele hartjie om terug te kom, maar 25 uur vir vyf hartjies is verdomp lank...

Wat ek weer doen, as my hartjies uitgeloop het - soos met Russies of Chinees of Hebreeus of enige taal waar ek blapse maak (dit gebeur maklik)... ek gaan na Latyn toe, omdat dit vir my makliker of, lekkerder voel om te doen. Dan klik ek op die leë hart, en doen vyf oefeninge, totdat die hartjies vol is.

As jy vriende maak, soos met my, dan kan ek en jy gereeld aan iets saamwerk. Gewoonlik so Dinsdae. Soos gesamentlik 20 oefeninge klaarmaak binne 4 dae. Met Latyn doen ek dit sommer tjop-tjop. Dan kry albei van ons 100 juwele gratis. OK?

En as jy my 75 keer geluk gewens het hoe oulik ek is met al my prestasies, kry jy ook punte.

Verder, kry maar vir jou 'n boek en skryf alles neer... Mens vergeet wat jy leer.

Waag dit met ander tale ook, want die "snaaksigheid" by die een is 'n bousteen vir 'n ander. En verder is mens nie altyd lus om elke dag Frans te leer nie.

Laat ek verduidelik:

Ek't hierdie week my 9 Latynse werkopdragte voltooi en versend (dit het Vrydag veilig by die kampus aangekom). Eergister die werkwoorde en hooftye opgesom, en dan sedert gisteraand die laaaang monnikewerk van elke vervoeging oorskryf begin. Ek moet sê, dié Latynleer help nogal baie met Russies, as jy die gewoonte daarvan maak om heeltyd na die agtervoegsels te kyk. Maar moenie jou vaskyk teen 'n taal nie - kyk vas wat jy wil hê! En glo my, daar is nie 'n taal onder die son wat nie iets te bied het nie.

Voorbeeld: Russies het 'n boek Крымская Готия: История и судьба (2015). Alles oor die Krim-Gote en wat van hulle geword het. Dit is belangrik, want ons moet weet waarom hierdie sprekers van Goties verdwyn het. Ek het ook byvoorbeeld nie geweet dit sou later 'n twispuntjie tussen Duitsland en die Sowjetunie geword het nie. Onder andere dat daardie Gote klinkende bewys was dat die Duitse volk bestaansreg in die Krim het - wat uitbreiding ooswaarts regverdig het. Die Sowjetunie het van hul kant af weer tydens hul argeologiese ondersoeke na afloop van die Tweede Wêreldoorlog met mag en mening weer alle Duitse verbintenisse uit hul skrifte geweer. En hierdie boek kyk baie nugter daarna. Ek is werklik beïndruk. (En dankie De Gruyter vir jul gratis taalgids by die Wikipedia Biblioteek...)

Self interessant is Akkadies, of Babilonies. (Huehnergard is by Brill, ook Wikipedia Biblioteek) Deels om die wortelstelsel van Hebreeus te verstaan. Maar ook om 'n ander rede: Ek vra myself af - met so 'n magtige taal, wat 'n millennium voor Pythagoras reeds Pythagoras gebruik het (!), en tog iewers in 200 n.C. tot niet gegaan het... Aramees, ook 'n Semitiese taal, het hom vervang (voordat Arabies vir Aramees vervang het...). Dit toon baie dieselfde puntjies as Nederduits, naamlik: as jou prestige eers 'n knou weg het (soos toe die Perse oorgevat het by die Babiloniërs, en die Hansestede in Noord-Duitsland kapot gegaan het), dan is dit waarskynlik dat die moedertaalsprekers sommer self baie maklik net boedel oorgee. Dit is nie, soos byvoorbeeld, toe Amerika tydens en na afloop van die Eerste Wêreldoorlog die Duitse taalsprekers so erg gestigmatiseer het dat die hele taal op Amerikaanse grondgebied te gronde gegaan het nie.

En tog... dan is daar Sanskrit wat eintlik vir duisende jare lank deur 'n kastestelsel beskerm is. Of die Beierse dialekte wat in 'n wêreld van hul eie leef. Dit is verbasend dat Sanskrit, wat net soos Latyn vir eeue lank doodgeanaliseer is, nie juis selfs méér aan Westerse universiteite geleer word nie. Al die kreukels is klaar uitgestryk. Babiloniese handboeke moet nog elke 50 jaar weggegooi word, want die taalreëls verander met elke nuwe stukkie potskerf wat insigte verander!

Hierdie week het ek ook geleer die Yslandse "dyr" is nie "deur" nie, maar 'n "deuropening" (en slegs in die meervoud gebruiklik). Die Yslandse woord vir 'deur' is hurð. En jy sal nie glo nie, dit is verwant aan ons eie hortjies! Volgens etymologiebank.nl: "hurð ‘uit vlechtwerk bestaande deur’" Bravo!

Ek slyp my tandjies om Ammianus Marcellinus te vertaal uit Duits. Dis 'n baie lekker artikel. En ek het onlangs ook 'n boek in Afrikaans oor hom bekom. En dit is nog relevant, want dit is toe die Gote deur die Hunne oor die grens gedryf is - 'n 100 jaar voor die val van Rome.

En dan het ek in die Suidernuus heimlik beloof om Offerland op te som...

Weet jy - iets wat ek hopeloos te laat in my lewe geleer het: moenie dat taal, soos Frans, vir jou 'n las word nie. Eksperimenteer met ander, soos jy wil. Die een hand was die ander. En, dit is nie 'n sonde om EDGE-browser of Bing se KI (CoPilot) te gebruik nie. Ek sê net vir hom: "Deconstruct the sentence: 'И, наконец, самое важное.' " En hy deel dit mooi in grammatikadeeltjies op.

Moet ook nie te streng met jouself wees nie - die sinsbou/sintaksis by Latyn en Russies lyk soms bedrieglik dieselfde, maar dit is nie. Hoe meer analities 'n taal is, soos Chinees, hoe strenger word die woordkeuses en volgorde.

Geniet!Suidpunt (kontak) 12:06, 15 September 2024 (UTC)

Hallo Lupellus, ek volg jou nou ook. :) Ja, ek doen elke dag my Franse lesse op Duolingo. Hoe lank is ek al van voorneme om 'n pen by die hand te neem en soos my goeie Engelsonderrig op skool ook 'n Franse skoolboek saam te stel. My grootste probleem is: Dit kos baie tyd om dit stiptelik te doen. My keuse is altyd: Verbeter ek op Wikipedia 'n artikel of verbeter ek my eie taalkennis. Maar soos jy met my voorbeeld bo sien, kan jy albei doen as jy taalkennis goed genoeg is. Ek is elke keer verbaas hoe goed die Franstalige Wikipedia is. Soms kan ek nie kies tussen Duits en Engels (ek beskou albei as heelwat beter as die Nederlandstalige Wikipedia), maar die Franstalige Wikipedia is bon en chic. Ten minste weet ek, as jy slegs op Engels toespits en Frans ignoreer, gaan baie inligting vir jou verlore gaan. Ons praat nie eers van ander groot tale soos Italiaans, Spaans, Portugees, Chinees, Japannees of Koreaans nie. Gister het twee van die vernaamste rugbyboeke nog by my aangekom:

• (fr) Henri Garcia (2011). La fabuleuse histoire du rugby. Parys: Éditions de La Martinière. ISBN 978-2-7324-4528-1.
• (en) Huw Richards (2007). A Game for Hooligans: The History of Rugby Union. Edinburg: Mainstream Publishing. ISBN 978-1-84596-255-5.

Albei boeke is uitstekend, maar die Franse is omvangryker as die Engelse s'n. Ook die Franstalige Wikipedia kan die Engelstalige Wikipedia wat rugby aanbetref klop. Net een voorbeeld: en:Serge Blanco v fr:Serge Blanco, hy het ook tot bogenoemde boek bygedra. Só, ek het 'n baie groot rede om my Frans te verbeter en dit is ook hoekom ek sedert meer as 560 dae Duolingo gebruik. Maar hy het vergeet hoe om te tel, hy sê al sedert ses maande elke liewe Sondag, dat ek vir vyf weke 'n "streep" het. Ek is erg van voorneme om in die komende winter deur albei boeke te werk. Anders kan ek nie die oorblywende nasionale rugbyspanne van België, Hongkong, Ivoorkus, Kenia, Nederland en Suid-Korea verbeter nie.

Taalpolitiek is ook interessant. Ek moet altyd aan die Skandinawiese lande dink met hul, in vergelyking, klein en verwante Germaanse tale. Denemarke, Noorweë, Swede en Ysland sal nooit hul eie tale vir Engels opgee nie, dit is hulle identiteit! Dit is ook 'n rede hoekom ek hier baie oor Skandinawië skryf, hulle is vir my voorbeelde in baie fasette van die lewe. Ook in Ierland leer meer en meer mense Iers aan. Ons kan nog ure en ure oor tale gesels. :) Groete. --  SpesBona 20:50, 15 September 2024 (UTC)

Hendrik Spoorbek

Baie geluk! Hierdie artikel is as voorbladartikel aangewys Hendrik Spoorbek, ’n artikel waarby jy ’n groot bydrae gelewer het, is deur ’n gebruiker as ’n spogartikel geïdentifiseer en deur die gemeenskap tot voorbladartikel verkies. Dankie vir jou bydrae. Sien gerus Wikipedia:Voorbladartikel vir ons versameling spogartikels, of nomineer self ’n artikel vir voorbladstatus by Wikipedia:Kandidaatartikels vir voorblad.

Baie geluk met dié nuwe en interessante voorbladartikel. Verbeter die lokartikel gerus as jy dink dit kort meer inligting. Vorder jy goed op Duolingo? :) Groete. --  SpesBona 19:34, 6 Oktober 2024 (UTC)