Paula Styger: Verskil tussen weergawes

 

== Herkoms ==

Die stamvader van Paula Styger se familie, J.J. Styger, het as onderwyser uit [[Nederland]] na Suid-Afrika geëmigreer en was getuie in die saak oor die [[Gereformeerde Kerke in Suid-Afrika|Gereformeerde Kerk]] tussen J. Herman (sendeling) en ds. Beyers. Dié saak het voor landdros George Croman op [[Burgersdorp]] gedien. Ná die dood van sy vrou is hy terug na Nederland, terwyl sy seuns, J.J. Styger en D.T. Styger, toe nege en drie jaar oud, in Suid-Afrika agtergebly het. D.T. (David) Styger (28 Oktober 1864 – 22 Julie 1946), wat op die plaas Rooipoort en later Nooitgedacht gewoon het, was Paula se oupa. Hy was getroud met tant Annie (wat nog geleef het ten tyde van die [[Gereformeerde kerk Burgersdorp]] se eeufees in 1960) en het altesaam 44 jaar ononderbroke as diaken en ouderling in die gemeente gedien en was dikwels afgevaardigde na meerdere vergaderings. Uit dié huwelik is vyf kinders gebore, van wie die twee seuns D.G. Styger (1895–1945) en J.J. Styger was.