Gereformeerde kerk Oos-Londen: Verskil tussen weergawes

Die ontstaan van hierdie gemeente het voortgevloei uit die optrede van die predikant van [[Gereformeerde kerk Burgersdorp|Burgersdorp]] se Gereformeerde gemeente, indertyd ds. [[Dirk Postma, seun van Marthinus|Dirk Postma]]. Uit die notules van die vergadering van [[16 Januarie]] [[1914]] blyk dit dat daar 'n versoek was van verskeie lidmate van die Gereformeerde Kerk wat op Oos-Londen woonagtig was dat die kerkraad hulle moes bearbei. Die kerkraad het daarop besluit dat die leraar, ds. Postma, en oudl. H.B. Coetsee daarheen moes gaan en aan hulle [[Bybel|Woord]] en Sakramente bedien op die tweede Sondag in daardie Februarie. Op die volgende vergadering wat gehou is op [[20 Februarie]] het die kommissie 'n breedvoerige rapport van hulle besoek aan Oos-Londen gelewer. Dit het geblyk dat daar 'n 57-tal lidmate was, 27 belydende en 30 dooplidmate; huisbesoek is by al die lidmate gehou en hulle is gewys op die besondere omstandighede waaronder hulle verkeer en dat hulle onbekend is aan sowel die ouderling as die predikant; 'n voorbereidingsdiens is gehou en nagmaal en nabetragting die ander dag; daar is ook katkisasie gehou met 20 kinders; die kommissie het uit die midde van die lidmate twee broeders laat benoem, een as ouderling en een as diaken maar hulle nie in die ampte bevestig nie, hangende die goedkeuring van die kerkraad van Burgersdorp. Die begeerte van die broeders en susters was dat hulle gereeld aldaar besoek en bearbei sal word.

 

 

== Wyk van Burgersdorp ==