NG gemeente Steynsrus: Verskil tussen weergawes

Ds. A.J. Troskie, die konsulent, het hom baie beywer om die jong gemeente vooruit te help. Spoedig is besluit om 'n kerk op te rig. Omdat sake so fluks gevorder het, kon pres. [[M.T. Steyn]], na wie die gemeente genoem is, die hoeksteen op [[15 November]] [[1911]] kon 1ê. Dat dit 'n geloofsdaad aan die kant van die opsieners van die jong gemeente was, getuig die feit dat die kerkgebou wat toe verrys het, omtrent die enigste gebou was, sodat die eetmaal wat aan die president en [[Rachel Isabella Steyn|mev. Steyn]] aangebied is, in die [[werkswinkel]] van die boukontrakteur moes plaasvind. In 1917 berig ds. A.L.J. van Rensburg in ''Ons Kerk Album'': "Het gebouw, dat 800 zitplaatsen bevat, is meer van tijdelijken aard (hoewel van goede baksteen), en zal later als een zaal dienen wanneer een nieuw kerk gebouwd wordt." Dié gebou is op [[1 Junie]] [[1912]] ingewy en het ruim £1 500 gekos.