Jac van Belkum: Verskil tussen weergawes

Deur bemiddeling van die gesant van die ZAR in Nederland, [[Jonkheer Gerard Theodoor Beelaerts van Blokland|Beelaerts van Blokland]], het hy in November 1890 'n beroep van die Hervormde gemeentes Rustenburg en Zeerust ontvang. Dit was in die tyd toe die Hervormde Kerk net predikant gehad het, ds. [[Marius Goddefroy|M.J. Goddefroy]], nadat al die ander met die vereniging met die [[Nederduitse Gereformeerde Kerk|NG Kerk]] van 1885 saamgegaan het. Ná aarseling het hy die beroep aangeneem. Op [[Rustenburg]] is hy op [[5 Junie]] [[1891]] deur ds. Goddefroy bevestig. Ná die mislukte kerkvereniging van 1885 het hy in die NH Kerk 'n enorme bydrae gelewer ten opsigte van die reorganisasie van lidmate en gemeentes in Wes-Transvaal. Tydens die [[Tweede Vryheidsoorlog]] (1899–1902) het ds. Van Belkum gereeld die kommando's besoek tot hy in Merebank se konsentrasiekamp beland het. Ná die oorlog was hy een van die sterk figure in Oos-Transvaal wat behulpsaam was met die heropbou van kerk en volk.

Tot 1903 het hy die gemeentes van Rustenburg en Zeerust bedien en toe 'n beroep na Heidelberg (Transvaal) aangeneem. Daar het hy in die bediening gestaan tot hy in 1927 ná 50 jaar diens sy [[emeritaat]] aanvaar het.