Johannesburg: Verskil tussen weergawes

Ondanks onderhandelinge tussen enkele mynbesitters en die ZAR-regering in Pretoria vir 'n vreedsame skikking en die voortsetting van mynbedrywighede in Johannesburg, het die begin van die gewapende konflik tussen die Boererepubliek en die [[Britse Ryk]] in Oktober 1899 tot die sluiting van myne en die ontruiming van die Goudstad gelei.<ref>{{en}} [http://www.sahistory.org.za/article/south-african-war South African History Online] Besoek op 30 Julie 2017</ref>

Terwyl Johannesburg aan 'n verskeidenheid kulturele, ekonomiese en argitektoniese invloede uit ander dele van die [[Britse Ryk]] en elders blootgestel is, het die stad gaandeweg sy eie metropolitaanse karakter en leefstyl begin ontwikkel. Een van die hooftrekke van Johannesburg se stadskarakter was die groot invloed wat handel, mynbou en nywerhede op die argitektuur van die middestad uitgeoefen het. Die hoofkwartiere van banke en mynboumaatskappye, kantoorgeboue en klubs het die stadsbeeld gevorm. Afdelingswinkels het ingevoerde verbruikersgoedere uit [[Europa]] en [[Noord-Amerika]] verkoop, en daar was min nuwe oorsese tegnologiese ontwikkelings en uitvindings wat nie op een of ander manier in die Goudstad getoets is nie – winkels wat met voorafvervaardigde bouelemente opgerig is, gaslampe en later elektriese straatligte, telefoondrade wat die kantoorgeboue van finansiële ondernemings met mekaar verbind het, perdetrems wat passasiers na voorstede vervoer het en vanaf 1892 ook spoorlyne na die kus.<ref name="elusive" /> Die eerste elektriese trems is in 1906 in bedryf gestel.<ref>{{en}} Lange, Lis: ''White, Poor and Angry. White Working Class Families in Johannesburg''. Aldershot: Ashgate Publishing 2003, bl. 22</ref>

Die amp van uitvoerende burgemeester van Johannesburg word tans beklee deur Herman Mashaba wat -– naas sy politieke loopbaan -– bekendheid verwerf het as entrepreneur en stigter van ''Black Like Me'', 'n onderneming wat haarprodukte vervaardig en tans as die grootste in die bedryf beskou word. Hierdie maatskappy is die resultaat van Mashaba se persoonlike stryd teen armoede en die beperkings wat die vorige bedeling aan swart Suid-Afrikaners opgelê het.

Mashaba, 'n lid van die [[Demokratiese Alliansie]] vir wie die hoogste waarde in die vryheid van die individu gesetel is, is tydens die huidige stadsraad se eerste vergadering op 22 Augustus 2016 as burgemeester verkies. Hy is die eerste ampsbekleër sedert 1994 wat nie uit die geledere van Suid-Afrika se regerende ANC[[African National Congress]] kom nie.<ref>[https://www.joburg.org.za/about_/government/Pages/Executive/current-executive-mayor.aspx ''joburg.org.za: Government -– Current executive mayor. Besoek op 28 Februarie 2018'']</ref>

In die museum se vertoonsale kan besoekers na honderde geskiedkundige voertuie kyk, waaronder 19de eeuse koetse; kakebeenwaens wat gedurende die Groot Trek tussen 1835 en 1845 gebruik is; 'n riksja wat in 1893 deur Japanse immigrante ingevoer is; die befaamde Ford Model T van 1908; die eerste [[township]]-taxi, 'n Valiant, wat teen 1968 'n bekende gesig op Suid-Afrikaanse paaie was; naas motorfietse, ou brandweerwaens, dubbeldekbusse en klassieke motors soos die Alfa Romeo Spider.

* {{vlagikoon|Frankryk}} [[Val -de -Marne]] (suidoos van [[Parys]]), [[Frankryk]].<ref name="JHBsisterCity" />