Musiek met 'n ruimtelike dimensie soos moderne digitale mediums soos DTS-kompakskyf, DVD-Video/Oudio of Blu-ray Disc dit moontlik maak, is geen uitvinding van die twintigste eeu nie. Die vroegste voorbeelde van "ruimtelike musiek" het in die 16de eeu in Padua ontstaan. Dit is verder ontwikkel in [[Venesië]] ontstaan waar komponiste musiek vir antifonale kore geskryf het wat voordeel kon trek uit die argitektoniese besonderhede van die basiliek van Sint Markus se interieur. Die kore se sang is op 'n manier uitgevoer wat dit in die basiliek van St.Sint Markus soos 'n wedersydse "eggo" dwarsoor die kerk laat klink het.<ref>[https://www.br-klassik.de/themen/klassik-entdecken/alte-musik/stichwort-mehrchoerigkeit-100.html ''BR Klassik: Stichwort Mehrchörigkeit - Musikpraxis, bei der mehrere Teilensembles im Raum verteilt aufgestellt werden. Besoek op 19 Augustus 2018'']</ref> In die 19de eeu was dit onder meer [[Gustav Mahler]] wat musikante vir sy uitvaartmusiek (''Requiem'') nie alleen op die verhoog geplaas het nie, maar ook elders in die saal om 'n meer indrukwekkende klank te verkry.
