NG gemeente Waterval: Verskil tussen weergawes

Die '''NG gemeente Waterval''' is 'n gemeente van die [[Nederduitse Gereformeerde Kerk]] in die weste van [[Johannesburg]] teenaan die grens van [[Roodepoort]] met sy kerkgebou in die voorstad [[Newlands, Johannesburg|Newlands]], hoewel die gemeentegrense ook byvoorbeeld sekere uitbreidings van die voorstede [[Northcliff]] in Roodepoort en Albertville in Johannesburg insluit.

 

Ná 'n 16 jaar lange stryd van [[6 Februarie]] [[1905]] af is Waterval-gemeente uiteindelik op [[24 Mei]] [[1921]] van die moedergemeente [[NG gemeente Langlaagte|Langlaagte]] as agtste gemeente in die Goudstad afgestig. Die naam is afgelei van die plaas [[Waterval (plaas)|Waterval]]. In Johannesburg het vyf gemeentes binne die eerste elf jaar van die stad se stigting ontstaan: [[NG gemeente Johannesburg|Johannesburg]] (1887), [[NG gemeente Langlaagte|Langlaagte]] (1892), [[NG gemeente Fordsburg|Fordsburg]] (1896), [[NG gemeente Jeppestown|Jeppestown]] (1897) en [[NG gemeente Johannesburg-Oos|Johannesburg-Oos (die Irenekerk)]] (1897). [[NG gemeente Turffontein|Turffontein]] was in 1906 die laaste van die eerste ses gemeentes, waarna 14 jaar voor die afstigting van [[NG gemeente Melville|Melville]] in 1920 sou verloop. Dié lang stilte was vanweë die ellende na die [[Anglo-Boereoorlog]], die ontwrigting en swaarkry van die [[Eerste Wêreldoorlog]] en daaropvolgende ekonomiese insinking.

 

Waterval se ywer het die Johannesburgse Stadsraad aangespoor om teerstrate te maak, water en ligte te voorsien en sanitêre geriewe aan te bring. Die eerste myndorpie het, danksy die kerk se teenwoordigheid, tot 'n moderne voorstad van Johannesburg ontwikkel. Stoflike en geestelike vooruitgang volg en die lidmaattal neem in so 'n mate toe (in 1932 byvoorbeeld 1 652 belydende lidmate), dat Waterval 'n hulpprediker moet beroep en twee dogtergemeentes afstig, naamlik [[NG gemeente Linden|Linden]] (met Greenside en Emmarentia van [[NG gemeente Johannesburg-Oos|Johannesburg-Oos]] daarby ingereken) op [[8 Oktober]] [[1936]] en [[NG gemeente Westdene|Westdene]] op [[14 April]] [[1938]].

 

In die onmiddellike omgewing (binne die verband van die latere Hoëveldse Sinode) het ook nog [[NG gemeente Greymont|Greymont]] in 1954, [[NG gemeente Claremont|Claremont]] in 1958 en [[NG gemeente Aasvoëlkop|Aasvoëlkop]] in 1959 ontstaan. Op hulle beurt het [[NG gemeente Crosby-Wes|Hurst Hill]] (later Crosby-Wes) in 1949 van Westdene afgestig en van Linden: [[NG gemeente Randburg|Ferndale]] (later Randburg) in 1944, Fairland en Fontainebleau in 1955 en Lindenpark in 1962. Triomf is in 1967 tussen Waterval en Westdene gestig ná die gedwonge verskuiwings uit Sophiatown en uiteindelik in 1982 Weltevreden van Fairland afgestig, sodat daar teen die middel jare tagtig in die huidige Hoëveldse Sinode reeds 13 gemeentes regstreeks of onregstreeks uit Waterval ontstaan het. Anders as die geval met die dogtergemeentes van byvoorbeeld [[NG gemeente Fordsburg|Fordsburg]] en [[NG gemeente Jeppestown|Jeppestown]], is teen 2012 nog twee van Waterval se Hoëveldse afstammelinge by 'n aanliggende gemeente ingelyf: [[NG gemeente Crosby-Wes|Crosby-Wes]] is ingelyf [[NG gemeente Vergesig|Vergesig]], waarvan lidmate 'n belangrike onderdeel uitmaak, en Claremont is in 2011 ingelyf by Waterval self.

 

Die getal belydende lidmate het van 647 in [[1990]] tot 391 in [[2005]] en 248 in [[2010]] afgeneem. Die dogtergemeente [[NG gemeente Claremont|Claremont]] is in Augustus 2011 by Waterval ingelyf. In 2015 het die belydende lidmate 284 getel.

 

* Carel Aron van der Merwe, 1927 - 1941 (toe hy sy emeritaat aanvaar)

* Jan Thomas Martens, 1921 - 1928

* Symington, Johan (et. al.), ''Jaarboek van die NG Kerke'', Tydskriftemaatskappy, Kaapstad en Wellington, verskeie jare.

 

*[http://watervalgemeente.co.za/ Die gemeente se webwerf]