NG gemeente Woodstock: Verskil tussen weergawes

Die '''NG gemeente Woodstock''' was 'n gemeente van die [[Nederduitse Gereformeerde Kerk]] in die [[Woodstock|gelyknamige voorstad]] van [[Kaapstad]]. Dit is in die vroeë jare 90, toe daar skaars 30 belydende lidmate oor was, by die [[NG gemeente Maitland]] [[Lys van ingelyfde NG gemeentes|ingelyf]] ná die gemeentes reeds van 1988 af 'n leraar gedeel het.

 

Vanaf omstreeks 1799 het die [[NG gemeente Kaapstad]] buitedienste in die wyk Papendorp gehou. Op [[13 November]] [[1849]] besluit die kerkraad van Kaapstad om die kapel in Papendorp, wat die eiendom van die [[Londense Sendinggenootskap]] was, van dr. [[John Philip]] oor te neem. Sedert 1876 is 'n diens elke veertien dae in Papendorp waargeneem.

 

Gedurende dié tydperk van uitbreiding besluit die kerkraad van [[NG gemeente Kaapstad|Kaapstad]] in 1895 om 'n leraar te beroep met Papendorp as werkkring. Op [[16 September]] [[1895]] word ds. Z.J. de Beer (1895 tot 1923) beroep. Gedurende sy bediening is die kerkgebou, wat die gemeente tot en met sy [[Lys van ingelyfde NG gemeentes|inlywing]] by [[NG gemeente Maitland|Maitland]] sou gebruik, in Aberdeenstraat opgerig en op [[10 Maart]] [[1898]] ingewy. Die Kaapse gemeente kon die kerkgebou opgerig danksy 'n skenking van J.C. Hofmeyr. Dit is ingewy deur prof. [[Nicolaas Hofmeyr|N.J. Hofmeyr]] van die [[Kweekskool]].

 

[[Beeld:Dr Dwight Snyman.jpg|duimnael|links|160px|Dr. [[Dwight Snyman]], van 1924 tot 1927 die gemeente se eerste leraar.]]

[[Beeld:Ds AC Stegmann oud.jpg|duimnael|regs|160px|Ds. Antonie Christoffel Stegmann, leraar van 1928 tot 1931.]]

Met die koms van ds. Dirk Johannes Marthinus Terblanche (1947 - '50) en dié van ds. G.F.K. Carstens (1949 - '51) is besondere aandag aan die jeug en aan evangelisasie gewy. Hulle is opgevolg deur ds. G.J. Labuschagne, wat in 1954 'n beroep na [[Kamieskroon]] aanvaar.

 

Die gemeente se laaste eie predikant was ds. Andries Jakobus Helmon Smith wat op [[6 September]] [[1974]] bevestig is en op [[28 Februarie]] [[1988]] sy emeritaat aanvaar het. Hy is opgevolg deur ds. Daniel Malan du Toit wat op [[6 Oktober]] [[1988]] tegelykertyd as leraar van Woodstock en [[NG gemeente Maitland|Maitland]] bevestig is.

 

Ná die bloeitydperk van die jare 30 en 40, het Woodstock se lidmaattal deurentyd afgeneem namate lidmate se ekonomiese stand verbeter het en hulle hul in aangename voorstede, weg van die fabrieke af, kon gaan vestig. So was daar in 1978 byvoorbeeld nog 240 belydende lidmate, maar teen 1990 net 30. Kort daarna is Woodstock by Maitland [[Lys van ingelyfde NG gemeentes|ingelyf]]. Deesdae huisves die kerkgebou op Regentplein, Aberdeenweg, die Woodstock Baptist Church.

 

Naamlys van leraars soos verstrek deur beskikbare bronne, in volgorde van bevestiging:

* Dr. [[Dwight Snyman|Dwight Randolph Snyman]], 1924 - 1927

* Daniel Malan du Toit, 1988 - inlywing (in kombinasie met [[NG gemeente Maitland]])

 

* [[Phil Olivier|Olivier, ds. P.L.]] (samesteller), ''[[Ons gemeentelike feesalbum]]''. Kaapstad en Pretoria: N.G. Kerk-uitgewers, 1952.

* [[Andries Dreyer|Dreyer, eerw. A.]] 1932. ''Jaarboek van die Nederduits-Gereformeerde Kerke in Suid-Afrika vir die jaar 1933'', Kaapstad: Jaarboek-Kommissie van die Raad van die Kerke.

* [[Frits Gaum|Gaum, dr. Frits]] (red.), ''Jaarboek van die Nederduitse Gereformeerde Kerke 1990'', Pretoria: Tydskriftemaatskappy van die Nederduitse Gereformeerde Kerk, 1989.

 

*[http://152.111.1.87/argief/berigte/dieburger/1990/06/07/4/35.html Laaste leraar doop sy eie kind]

 

{{DEFAULTSORT:Woodstock}}

[[Kategorie:Nederduitse Gereformeerde Kerk in Suid-Afrika]]