Wolseley: Verskil tussen weergawes

'''Wolseley''' is 'n dorp in die [[Wes-Kaap]], [[Suid-Afrika]]. Die dorp is 15 km suid van [[Tulbagh]].

 

Wolseley is in 1875 op die plaas Goedgevonden gestig en na Sir. [[Garnet Wolseley]], aangewese goewerneur van Natal en opperbevelvoerder van die Britse magte, vernoem. Die spoorlyn vanaf [[Kaapstad]] het Wolseley in [[1876]] bereik en die taklyn na [[Ceres]] is in [[1876]] voltooi.

 

Wolseley is in 1955 tot munisipaliteit geproklameer.

 

Wolseley se munisipale raad het in 1955 'n wapen aangeneem en by die Kaapse Provinsiale Administrasie geregistreer : ''In rooi, 'n silwer paal belaai met 'n tros blou druiwe, in die skildhoof en skildvoet groen geblaar, aan weerskante vergesel van 'n besant; 'n groen golwende skildhoof''. Die helmteken was 'n swart wolfskop uitkomend uit 'n goue muurkroon, en die wapenspreuk was "Viridis et fructifera".<ref name=ok>Kaap die Goeie Hoop ''Amptelike Koerant'' 2776 (23 September 1955).</ref> [[Ivan Mitford-Barberton]] het die wapen ontwerp.

 

Die wapen is in 1996 gewysig deur die skildhoof van groen na blou te verander en met drie silwer waterdruppels te belaai, en toe by die [[Buro vir Heraldiek]] geregistreer.<ref name=bvh>[http://www.national.archsrch.gov.za/sm300cv/smws/sm300dl National Archives of South Africa : Data of the Bureau of Heraldry].</ref>

 

Sagtevrugteboerdery word in die omgewing bedryf terwyl suiwel, bees-en skaapsboerdery ook beoefen word. Die eerste wolwassery in die land is by Wolseley gebou, en in [[1936]] is 'n aanleg vir die verpakking van [[vrugte]] gebou. Die dorp is ook beskadig in die [[Bolandse aardbewing van 1969|aardbewing]] van [[29 September]] [[1969]] wat [[Tulbagh]] getref het.

 

* [[Lys van dorpe in Suid-Afrika]]

 

* [[Op Pad in Suid-Afrika]]. [[B.P.J. Erasmus]] 1995. ISBN 1-86842-026-4

* Padlangs deur Suid-Afrika. 2009. ISBN 978-1-77007-751-5