Maximilien Robespierre: Verskil tussen weergawes

'''Maximilien Robespierre''' is op [[6 Mei]] [[1758]] in [[Arras]], Frankryk, waar sy pa 'n prokureur was, gebore. Net soos sy pa en sy oupa het Robespierre 'n regsgeleerde geword en gou bekendheid verwerf vir sy dienste aan die armes wat nie 'n regsgeleerde kon bekostig nie. Robespierre het van vroeg af reeds in die politiek belang gestel en het hartstogtelik in die beginsels van die Franse filosoof [[Jean-Jacques Rousseau|Jean Jacques Rousseau]] geglo. Hy was oortuig daarvan dat Rousseau se geskrifte die antwoord op die probleme van die wêreld bevat het. Die geskrifte het getoon hoe die mens eens gelukkig en vry was, maar hoe sommige mense mettertyd niks meer as slawe van ander geword het nie. Robespierre se belangstelling in die politiek het gaandeweg toegeneem, en in [[1789]], kort voor die uitbreek van die [[Rewolusie|Revolusie]], is hy tot die Franse parlement, die State-Generaal, verkies.