Sita: Verskil tussen weergawes

'''Sita''' was die [[skuilnaam]] van '''Sara Susanna Bosman''' (10 Junie 1898, [[Potchefstroom]] – 10 Mei 1987, [[Bronkhorstspruit]]), [[Afrikaans]]eAfrikaanse [[skrywer]] van kinderverhale, jeugverhale, dramas en romans. Sy is ook verantwoordelik vir die opstel van die [[Bosman]]- en De Kock-familieregisters.<ref>Esat: http://esat.sun.ac.za/index.php/Sita</ref>

Sara Susanna ("Sita") Bosman was die oudste van ses susters en is op 10 Junie 1898 op die ou [[Voortrekkers|Voortrekker]]-erfplaas Hoogekraal naby [[Potchefstroom]] gebore. Hier vloei die waters van die [[Mooirivier (Vaal)|Mooirivier]] en die [[Vaalrivier]] ineen. Haar pa was die onderwyser en boer Lourens Dirk Cornelis (Louw) Bosman en haar ma was Elizabeth Johanna Maria Pienaar. Haar susters is Abelina Jacoba, Lourensa Elizabeth, Gertruida Aletta, Elizabeth Johanna Maria en Anna Debora.<ref>Geni: https://www.geni.com/people/Sara-Susanna-Sita-de-Kock/6000000034106841236</ref> Sita is gebore twee jaar nadat die [[runderpes]] die [[Oranje-Vrystaat|Vrystaatse]]se en [[Zuid-Afrikaansche Republiek|Transvaalse]] boere verarm het en hulle groot getalle vee aan die siekte moes afstaan. Verarm deur hierdie swaar terugslae, moes baie boere van meet af ’n bestaan probeer maak.

Op hulle plaas Hoogekraal word ’n plaasskool opgerig, waar Sita se oupa en later haar pa skoolmeester is. Onder die Milner-bewind is Engelse onderwyseresse uit [[Engeland]] na [[Suid-Afrika]] gebring en ’n Miss Moore en daarna ’n Miss White hou ook op Hoogekraal skool. Nie een van die twee kon ’n woord Afrikaans praat of verstaan nie, met die gevolg dat hierdie plattelandse kinders ’n deeglike onderrig in Engels ontvang het. Sita se pa se grootste belangstelling was [[musiek]] en van kleins af word gereelde musiekaande by hulle huis gehou. Hierdie belangstelling het regdeur Sita se lewe ’n impak op haar en haar gesin en vind neerslag in die werk wat sy en later haar kinders doen. Haar hoërskoolopleiding ontvang sy aan die Girls High School op Potchefstroom en sy behaal dan in 1921 die [[Baccalaureus artium|B.A.-graad]] aan die [[Noordwes-Universiteit|Potchefstroomse Universiteitskollege]]. Deur privaatstudie behaal sy deur die ''Vere Stent College of Journalism and Short Story Writing'' ’n diploma in [[joernalistiek]] en ’n diploma in [[Kortverhaal|kortverhaalskryf]]. Sy lees van kleinsaf alles wat sy in die hande kan kry, so-ook ''[[Die Brandwag]]'' en veral die kinderrubriek van ''[[Tannie (skrywer)|Tannie]] van'' ''die Brandwag]]'' wat van haar briefies publiseer. Sy trou op 26 Maart 1921 met die onderwyser Arend Josias de Kock en hulle het twee seuns, die bekende radio-omroeper, musikant en hoof van die Transvaalse Raad vir die Uitvoerende Kunste ([[TRUK]]) Bosman de Kock en Silvan de Kock.

Die meeste van haar lewe bring sy deur in die Potchefstroom-omgewing, waar haar man vir veertig jaar onderwys gee en hulle op die plaas Wilgeboom bly. Na haar huwelik verrig Sita allerhande los werkies om ekstra geld in te bring. Sy boer met hoenders en varke, word verkoopsagent vir stoomkastrolle en radiotoestelle, maak hoede en rokke en verkoop blomme, blomplantjies, saad, bolle en groente. Haar skryfwerk sorg egter vir die meeste van haar inkomste. Met die verhuising van ''[[Die Vaderland]]'' vanaf [[Pretoria]] na [[Johannesburg]] word sy aangestel om die kinderdeel van die jeugblad waar te neem. Vanaf 1936 tot 1947 behartig sy ook ''Die touleiertjies'', die kinderrubriek in ''[[Die Brandwag]]''. Daarna is sy vir ’n jaar redaktrise van die kinderdeel van ''Boerebelange'', terwyl sy ook op die redaksie van ''Avontuur'' dien. Sy reis baie en besoek meer as 25 lande. In 1948 onderneem sy ’n uitgebreide reis van vyf maande deur [[Europa]] en besoek onder andere die [[Britse Eilande]], [[Nederland]], [[Frankryk]], [[Switserland]], [[België]], [[Italië]] en dan verder noord die [[Skandinawië|Skandinawiese]] lande [[Swede]], [[Denemarke]], [[Finland]], [[Lapland]] en [[Noorweë]]. In [[Engeland]] maak sy by die [[BBC]] ’n nadere studie van die radiowese en doen ook deeltydse werk vir hierdie organisasie, terwyl sy in Europa veral ondersoek instel na die leefwyse van die mense op die platteland. Sy bring ook besoeke aan [[Suid-Amerika]], waar sy [[Argentinië]], [[Uruguay]] en [[Brasilië]] verken, terwyl sy ook reis deur [[Israel]] en die [[Midde-Ooste]]. In die [[Verre Ooste]] besoek sy lande soos [[Singapoer]], [[Hongkong]], [[Japan]], [[China]], [[Indonesië]] en [[Bali]] en in [[Afrika]] doen sy ook by [[Suidwes-Afrika]], [[Rhodesië]] en [[Zambië]] aan.

Na aftrede verhuis sy en haar man na die Suidkus van Natal, waar hy aangestel word as Afrikaans-onderwyser aan die Kingsway High School in [[Amanzimtoti]] en Sita privaatlesse in Afrikaans gee. Na drie jaar verhuis hulle na [[Pretoria]], waarna hulle op Donkerhoek bly en hulle dan op [[Bronkhorstspruit]] vestig. Teen die einde van haar lewe trek sy saam met haar man by die Ons Herberg-tehuis vir bejaardes op die dorp in. Sy is op 10 Mei 1987 op Bronkhorstspruit aan [[hartversaking]] oorlede.<ref>Anoniem. ''Sita oorlede ná siekbed''. Die Vaderland, 11 Mei 1987.</ref><ref>Anoniem. ''Sita (88) in Transvaal oorlede''. Die Burger, 12 Mei 1987.</ref>