Franse speelkaarte

Franse speelkaarte is speelkaarte wat die Franse kleure of stelle trèfles (klawers ♣), carreaux (ruitens of diamante ♦), cœurs (hartens ♥) en piques (skoppens ♠) gebruik. Elke stel bevat drie of vier hof- of gesigkaarte. In 'n standaardpak van 52 kaarte is daar die valet (boer), die dame (vrou, dame of koningin) en die roi (heer of koning).

Die Paryse patroon.

In pakke tarotkaarte is daar ook 'n cavalier (kavalier) met 'n rang van tussen dié van die vrou en boer.

Kaarte kan ook 'n groot verskeidenheid streek- en nasionale patrone insluit. Dié kaarte kan ook in grootte wissel. In vergelyking met Spaanse, Italiaanse, Duitse en Switserse kaarte is Franse kaarte die algemeenste vanweë die geopolitieke, kommersiële en kulturele invloed van Frankryk, Brittanje en die VSA in die 19de en 20ste eeu. 'n Ander rede vir hulle gewidheid is die eenvoud van die simbole, wat massaproduksie vergemaklik.

Die Engelse patroon van die Franse speelkaarte is so algemeen dat dit ook bekend is as die internasionale of Anglo-Amerikaanse patroon.

Die Engelse patroon van 'n Franse standaardpak met 52 kaarte deur Piatnik van Oostenryk. Die Engelse patroon is ook bekend as die internasionale of Anglo-Amerikaanse patroon.

Skakels

• Wikimedia Commons het meer media in die kategorie Franse speelkaarte.

• Hierdie artikel is in sy geheel of gedeeltelik uit die Engelse Wikipedia vertaal.