Strijdom van der Merwe

Strijdom van der Merwe (1961 -) is een van Suid-Afrika se bekendste landkunstenaars.

Hy het kuns aan die Universiteit van Stellenbosch gestudeer en daarna drukwerk in Utrecht, Nederland, en beeldhouwerk in Praag in die Tsjeggiese Republiek. Hy was ook voltydse kunstenaar aan die Kent Institute of Art and Design in Canterbury, Engeland.

Van der Merwe het al talle persoonlike uitstallings in talle galerye gehou oor die afgelope paar jaar. Verskeie private en openbare versamelaars het plaaslik en oorsee van sy werk aangeskaf. Hy het opdragbeeldhouwerke in onder meer Suid-Korea, Turkye, Frankryk, België, Letland, Swede, Japan, Italië en Australië gedoen.

As landkunstenaar gebruik hy die materiaal wat 'n bepaalde terrein bied. Sy beeldende werke neem hulle vorm aan in verhouding tot die landskap. Hy werk altyd met die natuurlike omgewing en gebruik water, sand, hout en rotse, asook vlae.

Eksterne skakels wysig