’n Subreusester is ’n ster wat effens helderder is as ’n normale hoofreeks-dwergster van dieselfde spektraaltipe, maar nie so helder soos ’n ware reusester nie. Daar word algemeen geglo hulle is sterre waarin geen kernfusie meer plaasvind nie. In sterre met rofweg een sonmassa veroorsaak dit dat die kern inkrimp, wat die ster se sentrale temperatuur genoeg verhoog om die waterstofverbranding na buite die kern te laat skuif. Dit laat die ster uitswel om ’n ware reusester te word.