Suidpoolmuur
Die Suidpoolmuur is 'n reusagtige kosmiese struktuur wat gevorm word deur 'n enorme muur van sterrestelsels ('n galaktiese filament) wat oor minstens 1,37 miljard ligjare strek.[1][2][3][4][5][6]
Die struktuur is dig op vyf bekende plekke, onder andere baie naby die suidelike hemelpool, en is volgens die sterrekundiges wat dit ontdek het "vergelykbaar met die Groot Muur van Sloan op die helfte van die afstand".[1] Die ontdekking daarvan is in Julie 2020 aangekondig deur Daniel Pomarède van die Paris-Saclay-universiteit en R. Brent Tully en kollegas van die Universiteit van Hawaii.[1] Pomarède verduidelik: "'n Mens kan wonder hoe so 'n groot en redelik nabygeleë struktuur onopgemerk gebly het. Dit is weens sy ligging in 'n streek van die lug wat nog nie heeltemal besigtig is nie, en waar direkte waarnemings belemmer word deur kolle ruimtestof en wolke op die voorgrond. Ons het dit ontdek danksy sy swaartekraginvloed op die snelheid van 'n paar sterrestelsels."[3]
Grootte wysig
Die muur is meer as 1,37 miljard ligjare lank en lê op 'n afstand van 500 miljoen ligjare van hier.[4][5] 'n Deel van die enorme struktuur is agter die Melkweg se Sone van Ondeursigtigheid.[6][7] Die filament krul weg van die sterrebeeld Perseus in die Noordelike Halfrond na die Teleskoop in die verre suide. Tussenin raak dit effens aan die suidelike hemelpool self. Dit is so groot dat dit die plaaslike uitdying van die heelal grootliks beïnvloed.[4] Volgens Tully "is ons vroeë verkenners van die kosmos" en verken hulle onbekende gebiede.[3] Die ontdekkers sê: "Ons sal nie seker wees van sy volle omvang, en of dit ongewoon is nie, totdat ons die heelal op 'n aansienlik groter skaal gekarteer het."[5]
Sien ook wysig
Verwysings wysig
- ↑ 1,0 1,1 1,2 Pomarède, Daniel; et al. (10 Julie 2020). "Cosmicflows-3: The South Pole Wall". The Astrophysical Journal. 897 (2): 133. arXiv:2007.04414. Bibcode:2020ApJ...897..133P. doi:10.3847/1538-4357/ab9952. S2CID 220425419.
- ↑ Pomerede, D.; et al. (Januarie 2020). "The South Pole Wall". Harvard University. Bibcode:2020AAS...23545301P. Besoek op 10 Julie 2020.
- ↑ 3,0 3,1 3,2 Staff (10 Julie 2020). "Astronomers map massive structure beyond Laniakea Supercluster". University of Hawaii. Besoek op 10 Julie 2020.
- ↑ 4,0 4,1 4,2 Overbye, Dennis (10 Julie 2020). "Beyond the Milky Way, a Galactic Wall - Astronomers have discovered a vast assemblage of galaxies hidden behind our own, in the "zone of avoidance."". The New York Times. Besoek op 10 Julie 2020.
- ↑ 5,0 5,1 5,2 Mann, Adam (10 Julie 2020). "Astronomers discover South Pole Wall, a gigantic structure stretching 1.4 billion light-years across". Live Science. Besoek op 10 Julie 2020.
- ↑ 6,0 6,1 Starr, Michelle (14 Julie 2020). "A Giant 'Wall' of Galaxies Has Been Found Stretching Across The Universe". ScienceAlert.com. Besoek op 19 Julie 2020.
- ↑ O'Reilly, Aaron (11 Julie 2020). "Is the zone of galactic obscuration, that is beyond the cosmic south pole wall, the edge of our sub-reality? Or is the boundary where decoherence stops being a thing?". Quora. Besoek op 19 Julie 2020.
Skakels wysig
Hierdie artikel is in sy geheel of gedeeltelik uit die Engelse Wikipedia vertaal.
