Swarthelmlaksman
Die swarthelmlaksman (Prionops retzii) is 'n redelik algemene maar dikwels lokale standvoël in boomveld, insluitend miombo en oewerbos. Hulle word oorwegend suidwaarts van die ewenaar in Afrika aangetref en bly in groepe van 5 tot 6 voëls in boomryke gebiede. Buite die broeityd vorm hulle gemengde groepe met ander helmlaksmanspesies en sluit ook by gemengde voëlgroepe aan. Hulle is vroeër meestal by die Malaconotidae of boslaksmans gereken, maar word tans by die Vangidae geplaas. Die voël is 22 cm groot en weeg 44 gram. Alhoewel nie 'n trekvoël nie, kan hulle lokaal nomadies wees in droogtetye.[2] Die dikbekkoekoek, 'n broeiparasiet, gebruik hierdie spesie as broeigasheer vir hul kuikens. In Engels staan dit as Retz's helmetshrike bekend.
| Swarthelmlaksman | |
|---|---|
| |
| P. r. tricolor en roepe van die nominaat-subspesie, albei in Suid-Afrika | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | P. retzii
|
| Binomiale naam | |
| Prionops retzii Wahlberg, 1856
| |
Subspesies
wysigVier subspesies word erken:[3][4]
- P. r. nigricans (Neumann, 1899) – suidsentraal-Afrika
- P. r. graculinus Cabanis, 1868 – Oos-Afrika
- P. r. retzii Wahlberg, 1856 – noordelike streke van suidelike Afrika
- P. r. tricolor G.R.Gray, 1864 – oostelike en suidoostelike Afrika, veral kuslangs
Verspreiding
wysigDie spesie word aangetref in Angola, noordoostelike Botswana, DRK, Eswatini, Kenia, Malawi, Mosambiek, noordelike Namibië, Somalië, noordelike Suid-Afrika, Tanzanië, Zambië en Zimbabwe.
Galery
wysig-
P. r. graculinus in oostelike Kenia -
P. r. tricolor, jongeling in die Krugerwildtuin
.jpg)
_(6029808342),_crop.jpg)
Sien ook
wysigBron
wysig- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
Verwysings
wysig- ↑ BirdLife International (2012). "Prionops retzii". IUBN-rooilys van Bedreigde Spesies. Weergawe 2012.1. Internasionale Unie vir die Bewaring van die Natuur. Besoek op 16 Julie 2012.
{{cite web}}: Ongeldige|ref=harv(hulp) - ↑ Chittenden, H.; Allan, David; Weiersbye, Ingrid; et al. (2012). Roberts geographic variation of southern African birds. Cape Town: JVBBF. pp. 110–111. ISBN 978-1-920602-00-0.
- ↑ Allan, D. (2018). "Retz's Helmetshrike (Prionops retzii)". Handbook of the Birds of the World Alive. Lynx Edicions, Barcelona. Besoek op 29 Desember 2018.
- ↑ Hockey, P.A.R.; Dean, W.R.J.; Ryan, P.G. (2005). Roberts Birds of Southern Africa (7de uitg.). Cape Town: Trustees of the John Voelcker Bird Book Fund. pp. 709–710. ISBN 0-620-34053-3.