Tato

Tato (? - 510) was koning van die Lombarde tussen ongeveer 495 tot 510. Hy was die seun van Klaffo.

Lombardiese nedersettingsgebied aan die middel-Donau

Geskiedenis

Ten tyde van Tato se bewind het die Lombarde in die huidige Oostenryk gewoon. Van daaraf het die Lombarde omstreeks 500 oor die Donau-rivier getrek na die vlaktes van Hongarye. Hier het hulle betrokke geraak in 'n oorlog met die Herule.

Volgens oorlewering het beide volke eers in vrede naas mekaar gewoon en 'n verdrag gesluit. Na drie jare het daar egter oorlog uitgebreek tussen die twee omdat die broer van die koning van die Herule, koning Rudolf, aan die hof van Tato vermoor is. Tydens 'n veldslag is die leër van die Herule verpletter en koning Rudolf vermoor. Die mag van die Herule het hierna in duie gestort en hulle is skatpligtig gemaak aan die Lombarde.

Tato kon egter nie vir lank sy oorwinning geniet nie want hy is in 510 vermoor deur Wacho, die seun van sy broer Zuchilo. Wacho het hierna koning geword en Ildiches, die seun van Tato, het heenkome gesoek by die Gepide.

Bronne

• Paulus Diakonus, Langobardische geestelijke