Tau Ceti
Tau Ceti (τ Cet, τ Ceti) is ’n ster in die sterrebeeld Walvis (Cetus) met ’n klassifikasie soortgelyk aan dié van die Son, hoewel sy massa net 78% van die Son s’n is. Op ’n afstand van net onder 12 ligjare van die Sonnestelsel af is dit een van die naaste sterre en die naaste enkele klas G-tipe hoofreeksster. (Alpha Centauri A is nader, maar lid van ’n veelvoudige stelsel.)
Tau Ceti
| ||||
| Sterrebeeld | Walvis | |||
| Spektraaltipe | G8,5 V | |||
| Soort | Hoofreeksster | |||
| Waarnemingsdata (Epog J2000) | ||||
| Regte klimming | 01h 44m 04,0829s | |||
| Deklinasie | −15° 56′ 14,928″ | |||
| Skynmagnitude (m) | 3,5 | |||
| Besonderhede | ||||
| Massa (M☉) | 0,783 | |||
| Radius (R☉) | 0,793 | |||
| Ligsterkte (L☉) | 0,52 | |||
| Ouderdom (jaar) | 5,8 miljard | |||
| Temperatuur (K) | 5 344 | |||
| Afstand (ligjaar) | 11,905 | |||
| Ander name | ||||
| Durre Menthor,[1][2] 52 Ceti, HD 10700, HR 509, BD-16°295, GCTP 365.00, GJ 71, LHS 146, LTT 935, LFT 159, SAO 147986, LPM 84, FK5 59, HIP 8102.[3] | ||||
| ||||
Tau Ceti is arm aan metale, wat gewoonlik daarop dui dat daar geen groot eksoplanete en min rotsagtige planete naby is. Waarnemings dui egter daarop dat daar meer as 10 keer soveel ruimtestof om die ster is as om die Son. Sedert Desember 2012 is daar bewyse gevind van vyf moontlike planete wat om Tau Ceti wentel, waarvan een dalk in die bewoonbare sone kan wees.[4][5] Weens die baie stof om die ster is die moontlikheid dat ’n planeet deur ander voorwerpe getref kan word, baie groter as met die Aarde, maar vanweë die Son-eienskappe van die ster is daar groot belangstelling daarin. Dit word dikwels genoem as ’n moontlike teiken in die soektog na lewe in die ruimte.
Die ster kan met die blote oog van die Aarde af gesien word as ’n ster van die derde magnitude. Dit het ’n radiale snelheid van -17 km/s, wat beteken dit beweeg teen 17 km/s in die rigting van die Son.
Sien ook
wysigVerwysings
wysig- ↑ Malin, David (8 Junie 2008). "Cetus". David Malin Images (in Engels). Geargiveer vanaf die oorspronklike op 28 Maart 2019. Besoek op 24 Junie 2009.
- ↑ Anonymous. "Cetus". Omnipelagos.com. Geargiveer vanaf die oorspronklike op 10 Julie 2011. Besoek op 24 Junie 2009. < الدرر المنثور al durr' al-manthūur The Scattered Pearls (of the Broken Necklace).
- ↑ "LHS 146 – High proper-motion Star". SIMBAD. Centre de Données astronomiques de Strasbourg. Besoek op 14 Januarie 2009.
- ↑ "Tau Ceti's planets nearest around single, Sun-like star", BBC News, 19 Desember 2012
- ↑ ""Tau Ceti May Have a Habitable Planet", Astrobiology Magazine, 19 Desember 2012". Geargiveer vanaf die oorspronklike op 14 Mei 2013. Besoek op 2 April 2013.
Bronne
wysig
Hierdie artikel is vertaal uit die Engelse Wikipedia
