Thomas Moodie (Rhodesiese setlaar)
Thomas "Groot Tom" Moodie (29 November 1839 - 30 April 1894) was 'n pionier wat in 1892 'n party van meestal Afrikanerboere uit die Oranje-Vrystaat gelei het om hulle in Rhodesië te vestig.[1] In 1863 tree hy in die huwelik met Cecilia Jacomina Robberts. Twaalf kinders is uit die huwelike gebore. Moodie, bekend as 'Groot Tom', en sy trekgeselskap vertrek op 5 Mei 1892 vanaf Bethlehem, en vestig hom op 4 Januarie 1893 in Rhodesië. Hy stig die nedersetting Melsetter, vernoem na Moodie se voorvaderlike huis in die Orkney-eilande.[2] Thomas Moodie is in die Melsetter-omgewing begrawe.[3] Na sy dood het sy vrou, Cecelia Moodie, na haar familielede in die ZAR teruggekeer waar sy in 1905 oorlede is en begrawe is op die plaas Rietvlei, vandag bekend as die Rietvlei Natuurreservaat, suid van Pretoria.[4]
Thomas Moodie | |
|---|---|
| Gebore | 29 November 1839 |
| Sterf | 30 April 1894 Waterfall, Melsetter, Rhodesië |
| Beroep | Boer |
| Bekend vir | Leier van die Moodietrek na Rhodesië |
| Eggenoot | Cecilia Jacomina Moodie (Robberts) |
| Kinders | Jan Hendrik Robbertse Moodie, Sarah Maria Moodie, Johanna Maria Erasmus (Moodie), James Benjamin Moodie, Thomas Dreyer Moodie, Elsie Elizabeth Acutt (Moodie), Donald Charles Petrus Moodie, Malcolm Mauritz Moodie, Harriet Magdalena Mears (Moodie), Benjamin Moodie; George Christian Stephen Moodie, William Duncan Strickland Moodie |
| Ouer(s) | James Benjamin Moodie, Susarah Maria Johanna Moodie (van Zyl) |
Verwysings
wysig- ↑ "Moodie Trek to Rhodesia - 1892". Geni.com. Besoek op 10 Julie 2020.
- ↑ Geldenhuys, Preller (2015). Geldenhuys Genealogy, Descendants of Albert Barends Gildenhuizen.
- ↑ "Thomas Groot Tom Moodie, SV1b1c2". Geni.com. Besoek op 10 Julie 2020.
- ↑ "Rietvlei - The Photographer's Guide, by Will Goodlet, 2017". Will Goodlet (independent). Besoek op 9 Julie 2020.