Thule

Thule (Grieks: Θούλη, Thoúlē; Latyn: Thule, Tile) was die heel noordelikste plek en is genoem in antieke Griekse en Romeinse letterkunde en kartografie.

In klassieke en Middeleeuse letterkunde het ultima Thule (Latyn vir "verste Thule") ’n metaforiese betekenis gekry van enige verafgeleë plek “buite die grense van die bekende wêreld”. ^[1]

Teen die laat Middeleeue en vroeë moderne era is die naam dikwels verbind met die regte Ysland of Groenland. Soms was Ultima Thule ’n Latynse naam vir Groenland terwyl die naam Thule vir Ysland gebruik is.^[2] Teen die laat 19de eeu is Thule egter dikwels met Noorweë vereenselwig.^[3]

In sterrekunde is Ultima Thule die bynaam van die trans-Neptunus-voorwerp (486958) 2014 MU₆₉, wat op 1 Januarie 2019 deur die ruimtetuig New Horizons bereik is. Dit is die verste voorwerp in die Sonnestelsel wat nog deur ’n ruimtetuig besoek is.

Verwysings

↑ Herrero, Nieves; Roseman, Sharon R. (2015). The Tourism Imaginary and Pilgrimages to the Edges of the World. Channel View Publications. p. 122.
↑ Charlton T. Lewis; Charles Short (1879). A Latin Dictionary. Oxford: Clarendon Press. Besoek op 5 April 2017.
↑ www.oxforddictionaries.com^{[dooie skakel]}

Eksterne skakels

Hierdie artikel is vertaal uit die Engelse Wikipedia

[1] Herrero, Nieves; Roseman, Sharon R. (2015). The Tourism Imaginary and Pilgrimages to the Edges of the World. Channel View Publications. p. 122.

[dictionary-2] Charlton T. Lewis; Charles Short (1879). A Latin Dictionary. Oxford: Clarendon Press. Besoek op 5 April 2017.

[oxforddictionaries.com-3] www.oxforddictionaries.com^{[dooie skakel]}

[1]

[2]

[3]