Tim Noakes
Timothy David Noakes (gebore 1949) is 'n Suid-Afrikaanse wetenskaplike en 'n emeritus-professor in die Afdeling Oefenwetenskap en Sportgeneeskunde aan die Universiteit van Kaapstad. Hy is ook 'n lid van die Nasionale Navorsingstigting (Suid-Afrika), wat hom een van hul hoogstaande lede noem. [1]
Hy het meer as 70 maratons en ultramaratons gehardloop, [2] en is die skrywer van verskeie boeke oor oefening en dieet. Hy is bekend vir sy werk in sportwetenskap en vir sy ondersteuning van 'n lae-koolhidraat-hoë-vet (LCHF)-dieet, soos uiteengesit in sy boeke The Real Meal Revolution en Lore of Nutrition: Challenging Conventional Dietary Beliefs.
Agtergrond
wysigNoakes is in 1949 in Salisbury, Suid-Rhodesië (tans Harare, Zimbabwe) gebore en het op vyfjarige ouderdom na Suid-Afrika verhuis. [3] Sy vader het in 1946 in die destydse Suid-Rhodesië aangekom en 'n suksesvolle onderneming vir tabakuitvoer gestig wat hy in 1954 verkoop het. As jong seun was sy belangrikste sportbelangstelling krieket. Noakes was sedert 7-jarige op kosskool by die Monterey Preparatory School in Constantia, Kaapstad, gevolg deur hoërskoolstudie aan Diocesan College (Bishops).[3] Hy het 'n MBChB (1974), MD (1981) en DSc (Med) (2002) verwerf.
Navorsing
wysigIn 1980 kry Noakes die taak om 'n kursus vir sportwetenskap aan die Universiteit van Kaapstad te begin. Noakes het aan die hoof gestaan van die Mediese Navorsingsraad- gefinansierde Bioenergetika van Oefening-navorsingseenheid, wat later verander is na die MRC / UCT Navorsingseenheid vir Oefenwetenskap en Sportgeneeskunde. [4]
In die vroeë negentigerjare stig Noakes saam met die voormalige Springbokrugbyspeler Morné du Plessis die Sports Science Institute of South Africa.[5]
Hy is 'n toonaangewende navorser oor die toestand wat nou bekend staan as oefengeassosieerde hiponatremie (EAH).[6] Hy het hierdie toestand vir die eerste keer by 'n vroulike hardloper tydens die Comrades-maraton van 1984 herken, en sy bevindings in 1985 in die tydskrif Medicine and Science in Sports and Exercise gepubliseer. Noakes het in Mei 2005 die eerste internasionale konferensie vir konsensusontwikkeling oor hiponatremie in Kaapstad aangebied.
Dieetkontroversie
wysigNoakes is 'n voorstander van 'n lae-koolhidraat-hoëvetdieet, wat in Suid-Afrika dikwels die "Noakes"- of "Banting"-dieet genoem word. Noakes het ander gesondheidspersoneel se algemene advies oor dieet as 'volksmoord' gebrandmerk.[7]
Uitgesoekte publikasies
wysigNoakes het verskeie boeke geskryf waarin hy sy navorsing oor sportwetenskap en voeding uiteensit.
- The Lore of Running (1986)[8]
- Running Injuries: How to Prevent and Overcome Them (1990)
- Bob Woolmer's Art and Science of Cricket (2008)
- Challenging Beliefs: Memoirs of a Career (2012).[9]
- Waterlogged: The Serious Problem of Overhydration in Endurance Sports (2012)
- The Real Meal Revolution (2014)
- Raising Superheroes (2015)
- Lore of Nutrition: Challenging Conventional Dietary Beliefs, met Marika Sboros (2017)[10]
- Real Food On Trial: How the diet dictators tried to destroy a top scientist, met Marika Sboros (2019)[11]
Verwysings
wysig- ↑ "University of Cape Town". 2015. Geargiveer vanaf die oorspronklike op 10 Januarie 2015. Besoek op 28 Januarie 2015.
- ↑ "RA024 Dr. Tim Noakes: A Lifetime of Running and Research".
- ↑ 3,0 3,1 "How Tim wants you to train". Geargiveer vanaf die oorspronklike op 14 Junie 2011.
- ↑ MRC/UCT Research Unit for Exercise Science and Sports Medicine Geargiveer 24 Desember 2012 op Wayback Machine
- ↑ Sports Science Institute of South Africa
- ↑ Speedy, DB; Noakes TD; Schneider C (2001). "Exercise-associated Hyponatremia: A review". Emerg Med. 13 (1): 17–27. doi:10.1046/j.1442-2026.2001.00173.x. PMID 11476407. Besoek op 6 Januarie 2014.
- ↑ Child, K (16 Oktober 2017). "Noakes calls traditional food pyramid 'genocide'". The Sunday Times.
- ↑ Noakes, Tim. 2003. The Lore of Running. (4de uitg.) Oxford University Press ISBN 0-87322-959-2
- ↑ Child K (16 Oktober 2017). "Noakes calls traditional food pyramid 'genocide'". Sunday Times. South Africa.
- ↑ Noakes, Timothy (22 Januarie 2018). Lore of nutrition: challenging conventional dietary beliefs. Sboros, Marika. Cape Town. ISBN 9781776092611. OCLC 1013165315.
{{cite book}}: AS1-onderhoud: plek sonder uitgewer (link) - ↑ Noakes, Timothy (2019). Real Food On Trial: How the diet dictators tried to destroy a top scientist. Sboros, Marika. Cape Town. ISBN 978-1907797651.
{{cite book}}: AS1-onderhoud: plek sonder uitgewer (link)