Tjienkerientjee

Die tjienkerientjee (Ornithogalum thyrsoides Jacq.) is 'n geofiet wat voorkom in die Wes- en Noord-Kaap. Op die SANBI-rooilys is hierdie plant, wat endemies aan Suid-Afrika is, as veilig gelys.

Tjienkerientjee
Bewaringstatus
Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eensaadlobbiges
Orde:	Asparagales
Familie:	Asparagaceae
Subfamilie:	Scilloideae
Tribus:	Ornithogaleae
Genus:	Ornithogalum
Spesie:	O. thyrsoides
Binomiale naam
Ornithogalum thyrsoides Jacq., (1777)
Sinonieme
Eliokarmos coarctatum (Jacq.) Raf. Eliokarmos thyrsoides (Jacq.) Raf. Lomaresis alba Raf. Myogalum coarctatum (Jacq.) Endl. Myogalum thyrsoides (Jacq.) Endl. Ornithogalum bicolor Haw. Ornithogalum coarctatum Jacq. Ornithogalum conicum Willd. ex Kunth Ornithogalum gilgianum Schltr. ex Poelln. Ornithogalum grimaldiae Nocca Ornithogalum hermannii F.M.Leight. Ornithogalum revolutum Jacq. Tomoxis coarctata (Jacq.) Raf.

Die tjienkerientjee is 'n meerjarige plant wat 20-50 cm hoog kan word. Dit het ronde blombolle wat in die hete en droë somermaande rus. Dit het 5-7 vlesige blare wat afsterf nadat die plant gebloei het. Die blare is 15-30 cm lank en 0,5 tot 1,5 cm breed. Die blomstingel is sonder blare en bring aan die top 'n klomp wit blomme voort.

Dit kom van Namakwaland tot Caledon voor en is 'n indringerplant in Wes-Australië. Die plant word dikwels vir sy blomme gekweek en dit kan ook in streke met somerreëns groei. Die plant is giftig en kan perde en beeste laat vrek indien hulle dit vreet.