Tobie Cronjé
Tobie Cronjé (gebore 3 November 1948) is 'n gewilde Afrikaanse akteur op verhoog, TV en in rolprente.[1] Hy het drama aan die Universiteit van Pretoria studeer. Daarna het hy vir 'n motorversekeringmaatskappy gewerk en musieklesse gegee.
| Tobie Cronjé | |
| Geboorte | 2 November 1948 Germiston |
|---|---|
| Nasionaliteit | Suid-Afrika |
| Beroep(e) | Akteur |
| Internet-rolprentdatabasis-profiel | |
Cronjé is veral bekend vir sy spel in klugte soos My vrou se man se vrou en My vrou se man se lyk se tas, en sy jaarlikse vertolkings van "dames" in Janice Honeyman se pantomimes vir die Nelson Mandela-teater in Johannesburg. Hy is egter ook ’n sterk dramatiese speler, soos hy bewys in die titelrol van Chris Barnard se Man met vakansie en in ander rolle in onder meer Die rebellie van Lafras Verwey en I Love My Wife.
Hy maak sy debuut in die rolprent Die sersant en die Tiger Moth. Ander snaakse flieks, soos Babbelkous en Bruidegom (1974) en Kootjie Emmer (1977), het sy gewildheid verder laat toeneem.[1]
Cronjé het reeds in die beginjare van plaaslike televisie ’n huishoudelike naam geword, as Willem in ’n gelyknamige komiese speurreeks. Daarna het hy in talle TV-produksies, soos Binnelanders en Onder draai die duiwel rond verskyn.
Filmografie
wysigRolprente (as akteur):
- Môre, Môre, 1973
- Die Kwikstertjie, 1974
- Babbelkous en Bruidegom, 1974
- Die Sersant en die Tiger Moth, 1974
- Wat maak oom Kallie daar, 1975
- Witblits en Peach Brandy, 1976
- Erfgoed is Sterfgoed, 1976
- Kootjie Emmer, 1977
- Kom tot Rus, 1977
- Plekkie in die son, 1979 (as Piet Fieks)
- Herfsland, 1979
- Options, 1989 as Rajid
- Any Man's Death, 1990 as Johann
- Being Human, 1994 as Dario
- Inside Out, 2000
- Pets as Hyper, 2002
- Promised Land, 2002 as Fanie Raubenheimer
- Die spook van Uniondale, 2014
TV-reekse (as akteur):
- Auf Achse as Georg Lohnes (1983)
- Koöperasiestories, 1983 as Josef
- Die avonture van Joachim Verwey, Sonneblom, 1981
- Egoli: Plek van Goud, KykNET, 2001–2002 as Pietie
- 7de Laan, as Connie se oom Hugo, 2019
- Amalia, KykNET as Sakkie Olwage
- Willem, SAUK as die deurmekaar speurder 1976
- Binneland, KykNET as Kallie Koster
Verwysings
wysig- ↑ 1,0 1,1 HAT Taal-en-feitegids, Pearson, Desember 2013, ISBN 978-1-77578-243-8