Bontneushoringvoël

Die Bontneushoringvoël (Lophoceros fasciatus) is 'n neushoringvoëlspesie in die Bucerotidae-familie, 'n familie van tropiese byna-sangvoëls gevind in die Ou Wêreld.

Bontneushoringvoël
Bewaringstatus
Veilig (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Aves
Orde:	Bucerotiformes
Familie:	Bucerotidae
Genus:	Lophoceros
Spesie:	L. fasciatus
Binomiale naam
Lophoceros fasciatus (Shaw, 1811)
Verspreiding in blou
Sinonieme
Tockus fasciatus

Die bontneushoringvoël is 'n algemene bewoner en broeier in groot dele van ekwatoriaal-Afrika, van Gambië tot die weste van Uganda en die noorde van Angola. Die voël bewoon hoofsaaklik boshabitat. Die wyfie lê tot vier wit eiers in 'n gat in 'n boomstam, wat afgesper word tydens inkubasie met 'n sement gemaak van modder, mis en vrugtepulp. Daar is net een smal opening, net groot genoeg vir die mannetjie om kos oor te dra aan die moeder en die kuikens.

Morfologie

Dit is 'n groot voël, 54 sentimeter (21 dm) in lengte, met swart vere en 'n wit pens en stertpunt. Die lang, geboë swart-en-geel snawel het 'n mediumgrootte helm. Die geslagte is soortgelyk, maar die vroulikes het 'n kleiner helm. Onvolwasse voëls is dowwer, het 'n kleiner snawel en geen helm. Die vlug is golwend.

Gedrag

Die bontneushoringvoël is 'n omnivoor en eet vrugte en insekte. Dit voed hoofsaaklik in bome en is aangetrokke tot oliepalms.

Hierdie opvallende kuddevoël adverteer sy teenwoordigheid met sy pii-pii-pii-pii-roep.

Wanneer die kuikens en die wyfie te groot is om in die nes te pas, die breek die moeder uit en herbou die muur. Dan voer beide ouers die vinniggroeiende kuikens.

Status

Hierdie voël verskyn as "nie bedreig" op die IUBN-rooilys.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (gegroepeer)
• Lys van Suider-Afrikaanse voëls volgens wetenskaplike name