Toots Thielemans
Jean Baptiste Frédéric Isidor (Toots), Baron Thielemans (Brussel, 29 April 1922 – Terhulpen, 22 Augustus 2016[1]) was 'n Belgiese jazz-musikant, komponis en kitaarspeler wat sy virtuositeit bereik het op die mondfluitjie. Sy bynaam Toots is afgelei van die twee musikante Toots Mondello en Toots Caramata.
Toots Thielemans | |
|---|---|
 Toots Thielemans in 2006 | |
| Agtergrondinligting | |
| Geboortenaam | Jean-Baptiste Frédéric Isidor, Baron Thielemans |
| Gebore | 29 April 1922 Brussel, België |
| Sterf | 22 Augustus 2016 (op 94) |
| Genres | Jazz |
| Beroep(e) | Musikant, komponis, mondfluitjiespeler |
| Instrumente | Kromatiese Mondfluitjie, kitaar |
| Jare aktief | 1949–2014 (afgetree) |
| Assosiasies | Quincy Jones, Stevie Wonder, Kenny Werner, Pat Metheny |
| Webwerf | tootsthielemans.com |
Lewe
wysig
Thielemans is in die Brusselse werkersklasbuurt Marollen gebore. Hy het reeds vanaf sy derde jaar trekklavier gespeel. Op 17-jarige ouderdom ontdek hy die mondfluitjie waarna hy ook kitaar begin speel het. Thielemans het tydens die Duitse besetting versot geraak op jazz.
In 1951 het hy as kitaarspeler deel uitgemaak van die Belgiese sanger Bobbejaan Schoepen se musikale begeleiding. In 1952 emigreer hy na die Verenigde State, waar hy in die orkes van Charlie Parker en die kwintet van George Shearing gespeel het. Hy het saamgewerk met Benny Goodman, Peggy Lee, Ella Fitzgerald, Quincy Jones, Bill Evans, Jaco Pastorius, Elis Regina, Pat Metheny, Billy Joel en Paul Simon en word algemeen erken as een van die grootste jazz-musikante.
In 1991 lewer hy 'n aansienlike bydrae tot die eerste soloalbum van die Nederlandse sangeres Laura Fygi, Introducing.
Komposisie
wysig
Sy bekendste komposisie is Bluesette van 1962, waarin hy harmoniseer met mondfluitjie en kitaar. Dié liedjie word dikwels deur ander musikante verwerk en uitgevoer wat hom ook finansieel uithelp.
Musiek vir rolprent en televisie
wysigSy unieke mondfluitjiespel het ook 'n belangrike rol in die rolprente Midnight Cowboy (1969), Turks fruit (1973) en die Sweedse animasiefilm Dunderklumpen! (1974) gespeel. Hy het ook die temaliedjies vir die Nederlandse polisiereeks Baantjer en die Vlaamse Witse gekomponeer en gespeel.
Onderskeidings
wysig- In 2000 bereik sy liedjie "Bluesette" eerste plek in die Eregalerij van de Vlaamse klassiekers van Radio 2.
- Hy word in 2001 deur koning Albert II van België tot baron verhef.
- Op 8 Junie 2003 in Sint-Amands word 'n boulevard langs die Schelde Internationale Muziekstroom-route na Toots Thielemans Boulevard genoem en word hy ereburger van Sint-Amands.
- In 2005 word hy genomineer vir die titel van De Grootste Belg. Hy eindig in 20ste plek in die Vlaamse weergawe en in die 44ste in die Waalse weergawe.
- In 2006 word hy in Brasilië deur Gilberto Gil, minister van Kultuur, wat self 'n musikant is, vir sy bydrae tot die internasionale popularisering van die 'bossanova', vereer.
- In 2007 ontvang hy die Klara Carrièreprijs.
- Op 11 Augustus 2009 ontvang Thielemans die Concertgebouw Jazz Award 2009.[2] In dieselfde jaar kry hy ook in die Verenigde State die NEA Jazz Master Award 2009[3]
- In Junie 2011 word in Vorst, naby Brussel 'n straat na hom; Toots Thielemansstraat vernoem. Sy oupa was burgemeester daar.[4]
Diskografie
wysig
Sien ook
wysigVerwysings
wysig- ↑ "Toots Thielemans in zijn slaap overleden" (in Nederlands). standaard.be. 22 Augustus 2016. Geargiveer vanaf die oorspronklike op 9 Oktober 2019. Besoek op 22 Augustus 2016.
- ↑ Concertgebouw Jazz Award voor Toots Thielemans Geargiveer 30 November 2010 op Wayback Machine, nos.nl, 23 Julie 2009
- ↑ National Endowment for the Arts. "NEA Jazz Masters: By year" (in Engels). National Endowment for the Arts. Geargiveer vanaf die oorspronklike op 9 Oktober 2019. Besoek op 19 Julie 2010.
{{cite web}}: Onbekende parameter|archiefdatum=geïgnoreer (hulp); Onbekende parameter|archiefurl=geïgnoreer (hulp) - ↑ Toots Thielemans krijgt straat in Vorst, standaard.be, 22 Junie 2011
Eksterne skakel
wysig| Wikimedia Commons bevat media in verband met Toots Thielemans. |
Hierdie artikel is (gedeeltelik) vertaal uit die Nederlandse Wikipedia. Sien bron.