USS George Washington (SSBN-598)

Die USS George Washington was 'n kernaangedrewe duikboot van die Amerikaanse Vloot en die eerste duikboot ooit wat ballistiese missiele gedra het. Die George Washington was nie 'n doelgerigte ontwerp nie, maar was omgebou vanaf die eerste USS Scorpion en later as die George Washington hernoem; die klas is ook na die duikboot vernoem. Die Scorpion is in twee gesny en verleng met 39,6 m om sestien missiele te kan dra.

USS George Washington (SSBN-598)

USS George Washington (SSBN-598) ter see
Naam USS George Washington
Klas en tipe George Washington-klas duikboot
Besteldatum 31 Desember 1957
Bouers General Dynamics Electric Boat
Gebruik deur Amerikaanse Vloot
Datum neergelê 1 November 1958
Te water lating 9 Junie 1959
In diens gestel 30 Desember 1959
Onttrek 24 Januarie 1985
Lot Herwin via 'n Program, voltooi 30 September 1998
Tuishawe Pearl Harbor, Hawaii
Bynaam "The Georgefish"
Verplasing 5 512 ton (oppervlak)
6709–6888 ton (onderwater)
Lengte 116,43 m
Wydte 10 m
Diepgang 8,8 m
Spoed 20 kn (37 km/h) oppervlak
25 kn (46 km/h) onderwater
Bemanning 12 offisiere en 100 matrose

Die duikboot is in Junie 1960 deur Electric Boat Company voltooi en op 20 Julie 1960 is die eerste ballistiese missiel suksesvol vanuit die water afgevuur. 'n Tweede missiel is 'n uur later afgevuur. Die missiel tref sy teiken suksesvol na 'n tog van 1 770 km. Twee weke later is alle toetse voltooi en die duikboot vertrek na Charleston waar 'n vol vrag van 16 missiele aan boord geneem word. Die 16 missiele het meer slaankrag gehad as die totale bomme wat gedurende die Tweede Wêreldoorlog ontplof het.

Op 21 Januarie 1961 voltooi die duikboot sy eerste patrollie van 66 dae onderwater, en daarmee begin die George Washington sy lewensloop van patrollies. Dit lê 160 934 km af oor vier jaar voordat die kernbrandstof aan boord vervang moes word.

Tegniese besonderhede wysig

Besonderhede van die USS George Washington:
Item Statistiek
Aandrywing Westinghouse S5W kernreaktor
Spoed 20 – 24 knope
Bemanning 120
Wapens 16 Polaris-missiele
6 × 21 duim (530 mm) torpedobuise

Bron wysig

  • The Illustrated Encyclopedia Of Destroyers Frigates & Submarines, Bernard Ireland en John Parker, 2015, ISBN 978-0-85723-601-2