Ulawun

Ulawun is 'n basaltiese en andesitiese stratovulkaan in die provinsie Wes-Nieu-Brittanje, op die eiland Nieu-Brittanje, in Papoea-Nieu-Guinee.

Ulawun
Passiewe stoom trek uit Ulawun.
Ligging	Wes-Nieu-Brittanje, Papoea-Nieu-Guinee
Hoogte	2 334 meter bo seevlak
Reeks	Bismarck-vulkaanboog
Koördinate	5°03′00″S 151°20′00″O
Bergtipe	Stratovulkaan
Laaste uitbarsting	2019
Ulawun Ligging in Papoea-Nieu-Guinee.

Die vulkaan lê sowat 130 km suidwes van die township Rabaul en is die hoogste berg in Nieu-Brittanje. Teen 2 334 m is dit die tweede hoogste berg op die Bismarckargipel en een van die aktiefste vulkane in Papoea-Nieu-Guinee. Altesaam 22 uitbarstings het al sedert die 18de eeu plaasgevind. Verskeie duisende mense woon naby die vulkaan. As gevolg daarvan en van sy geskiedenis van uitbarstings, is Ulawun aangewys as 'n Dekadevulkaan.

Onlangse aktiwiteit

Ulawun en Lolobau-eiland.

In die afgelope paar jaar is daar voortdurend aktiwiteit by Ulawun, met gereelde klein ontploffings, baie skade en groot lewensverlies.

Die mees onlangse uitbarsting het op 26 Junie 2019 begin, en dit het gou in 'n sub-Pliniese uitbarsting verander, met as wat tot 19 km hoog gestyg het. Meer as 5 000 mense is in veiligheid gebring en vlugte na die nabygeleë Hoskinslughawe is gekanselleer. Lawa het op drie verskillende plekke oor die Nieu-Brittanje-snelweg geloop.

Vulkane in Papoea-Nieu-Guinee is van die wêreld se grootste bronne van swaeldioksied. Onlangse studies het aangetoon Ulawun alleen stel SO₂ teen sowat 7 kg/s vry, wat omtrent 2% van die wêreldwye emissie van SO₂ in die atmosfeer is.

Skakels

• Wikimedia Commons het meer media in die kategorie Ulawun.

• Hierdie artikel is in sy geheel of gedeeltelik uit die Engelse Wikipedia vertaal.

Teide

Nyiragongo

Vesuvius

Etna

Santorini

Unzen

Sakurajima

Taal

Merapi

Ulawun

Mauna Loa

Colima

Santa María

Awatsjinski

Korjakski

Galeras

Rainier

Kaart van die 16 Dekadevulkane.