Maak hoofkeuseskerm oop

United States Postal Service

United States Postal Service Logo.svg

United States Postal Service HQ - LEnfant Plaza West Bldg - Washington DC - signage.JPG


Regsvorm

Onafhanklike regeringsagentskap


Stigting

1775, herorganisasie in 1971


Hoofkwartier

United States Postal Service HQ - LEnfant Plaza West Bldg - Washington DC.JPG

475 L'Enfant Plaza SW
Washington, DC 20260-2202
VSA


Bestuurder

Megan J. Brennan
Posmeester-generaal


Personeel

644 124 (2017)


Webtuiste
www.usps.com

Die United States Postal Service ("Posdiens van die Verenigde State", oorspronklik voor 1971, toe dit in sy geheel deur die federale Amerikaanse regering bestuur is, bekend as die U.S. Post Office Department), dikwels kort Post Office, U.S. Mail of Postal Service genoem, afgekort USPS, is 'n onafhanklike agentskap van die Amerikaanse federale regering wat posdienste in die Verenigde State verskaf. Dit is een van min regeringsagentskappe wat uitdruklik deur die Amerikaanse grondwet gemagtig is.

Die Amerikaanse Posdiens se wortels strek terug tot 1775 toe Benjamin Franklin deur die Tweede Kontinentale Kongres as posmeester-generaal benoem is. In 1792 is die Poskantoor-departement op regeringsvlak gevestig, waarby posmeesters-generaal lede van die Amerikaanse Presidente se kabinet was. Die Posdiens in sy huidige vorm as onafhanklike regeringsagentskap is in 1971 deur die Postal Reorganization Act, die Wet oor die Herorganisasie van die Amerikaanse Posdiens, geskep.

In Februarie 2015 het die Amerikaanse Posdiens 617 254 werknemers in diens gehad en in 2014 oor 'n vloot van 211 264 voertuie beskik. Sodoende het die USPS die grootste vloot van burgerlike voertuie ter wêreld bedryf. Die Amerikaanse Posdiens is wettelik verplig om sy posdienste aan alle Amerikaners beskik te stel, ongeag van hul woonplek, teen dieselfde tariewe en volgens dieselfde gehalte.

Die USPS het eksklusiewe toegang tot posbusse met die opskrif U.S. Mail asook privaat posbusse in die VSA, maar ding ten opsigte van pakketdienste met privaat ondernemings soos United Parcel Service (UPS) mee. 'n Ooreenkoms oor beperkte samewerking is met FedEx Express gesluit.

Behalwe vir koste wat deur besondere dienste vir gestremdes en oorsese kiesers veroorsaak word, is die Amerikaanse Posdiens sedert die vroeë 1980's nie meer deur belastinggeld gesubsidieer nie. In 2006 het die posvolume sy grootste vlak ooit bereik, maar daarna het die USPS as gevolg van die resessie, waarin die Amerikaanse ekonomie verkeer het, 'n sterk daling in dié volume en sodoende ook sy bedryfsinkomste ondervind.

Die Amerikaanse Posdiens se finansiële posisie is verder bemoeilik deur nuwe wetgewing. Die Postal Accountability and Enhancement Act, wat deur die Amerikaanse Kongres afgekondig is, verplig die USPS om jaarliks VSA-$ 5,5 miljard in 'n rekening in te betaal waaruit mediese skema's vir afgetrede posdiens-werknemers vooraf gefinansier moet word. Dié reëling oortref soortgelyke voorskrifte vir ander regerings- en privaat instellings.

Die Amerikaanse Posdiens is gevolglik genoodsaak om sy uitgawes te besnoei en nuwe bronne van inkomste te vind. In die fiskale jaar 2014 het die USPS verliese van VSA-$ 5,5 miljard aangeteken, terwyl sy bedryfsinkomste VSA-$ 67,8 miljard beloop het.[1]

Die Amerikaanse Posmeester-generaal is die tweede hoogs betaalde regeringsamptenaar na die President met 'n jaarlikse salaris van VSA-$ 276 840.[2] Sedert 1 Februarie 2015 beklee Megan J. Brennan die amp van 74ste Posmeester-generaal as die eerste vrou in die geskiedenis van die Amerikaanse Posdiens wat vir dié posisie benoem is.

VerwysingsWysig