Universiteit van Sankoré
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Universiteit van Sankoré in Timboektoe in Mali dateer uit die Middeleeue en is dwarsdeur die wêreld bekend vir die bestudering van die regte en die snykunde.
Sankoré is in 1327 gestig en het ontwikkel uit die Sankoré-moskee wat reeds in 989 begin is. Teenswoordig vorm dit deel van die Universiteit van Timboektoe. Die voertaal van Sankoré was Arabies en die nie-wêreldse leerplan het klem gelê op Islam-studies, Arabies en sekere Afrikatale, maar natuur- en handelsvakke is ook onderrig. Hierdie sentrum vir aanbidding en godsdiens het ontwikkel tot ‘n sentrum van wetenskap en navorsing in die Arabiessprekende wêreld. Sankoré was beter as die meeste ander Moslem-universiteite, het sy hoogtepunt in die 16de eeu beleef, speel ‘n vername rol in die Moslem-kultuur en -beskawing en het dus baie bygedra tot die huidige ontwikkelingspeil. Die biblioteek van Sankoré is uniek in die wêreld omdat dit 700 000 manuskripte in Ou-Arabies huisves. Die verskillende tulbande wat deur die studente en dosente gedra word, toon die kwalifikasies aan wat hulle behaal het.
Bibliografie
wysig| Wikimedia Commons bevat media in verband met Sankoré-moskee. |
- de Villiers, Cas: Afrika. Johannesburg: Suid-Afrikaanse Uitsaaikorporasie, 1973. ISBN 0-86972-028-7
- https://afrolegends.com/2009/09/04/timbuktu-the-worlds-first-and-oldest-university
- https://keyamsha.com
- www.muslimheritage.com