Maak hoofkeuseskerm oop

Vere Palgrave Stent (1872 – 1941) was 'n Suid-Afrikaanse joernalis en skrywer. Hy is in 1872 in Suid-Afrika gebore en ontvang sy opleiding aan St. Andrew-kollege in Grahamstad en in Engeland. As jong man gaan hy na Kimberley, ontmoet Cecil John Rhodes en as gevolg van die vriendskap vertrek hy na Rhodesië. As korrespondent van die Cape Times was hy tydens die Matabele-opstand van 1896 'n ooggetuie van die beroemde indaba waarheen Rhodes en 'n klomp metgeselle ongewapen gegaan het om die oproerige Matabele-leiers te ontmoet. Hy was in die beleg van Mafikeng en ook getuie van baie gevegte tydens die Tweede Vryheidsoorlog. Hy word redakteur van die Pretoria News en het dit 'n sterk pro-Imperialistiese kleur gegee. Hy is in 1941 oorlede.

BronWysig