Virginia Davids
Virginia Davids is 'n Suid-Afrikaanse sopraan. Davids het haarself as 'n operasanger van formaat onderskei en talle toekennings daarvoor ingepalm.
Virginia Davids | |
|---|---|
| Gebore | 6 Januarie 1955 |
| Genres | Opera |
| Beroep(e) | Sanger |
| Instrumente | Stem |
Davids het haar eerste sanglesse van die Eoan Groep ontvang. Sy het later musiek aan die Universiteit van Kaapstad gestudeer en uiteindelik aan die Konservatorium vir Musiek aan die Universiteit van Stellenbosch gegradueer. Sy is 'n sangstudent van Nellie du Toit.
Sy sluit in 1986 by Kruik aan en maak haar solo-debuut in 1988, waar sy die titelrol van Verdi se Aida in Kaapstad vertolk. Teen Julie 1989 was sy die Kruik-operageselskap se hoofsopraan.[1]
In 1990 sit sy haar studies in Europa voort en tree in Wene op. Daarna het sy gereeld saam met al die Suid-Afrikaanse Kunsterade, asook Roodepoort Opera, opgetree. In 1995 was sy die solis in die Londense Filharmoniese Orkes se uitvoering van Beethoven se Koorsimfonie, wat met optredes dwarsoor Suid-Afrika opgevolg is. In 1996 is sy genooi om Tosca in Harare op te voer, die eerste operaproduksie in Zimbabwe sedert sy onafhanklikheidswording, waar sy 'n groot bydrae in 'n raadgewende hoedanigheid gelewer het. In 1998–1999 was sy een van drie hoogs aangeskrewe "divas", 'n uitstaande sukses in Johannesburg, Kaapstad, Durban en Port Elizabeth.
Sy het verskeie toekennings oor haar loopbaan ontvang, insluitende:
Verwysings
wysig- ↑ Virginia Davids nou hoofsopraan Geargiveer 6 Januarie 2015 op Wayback Machine, Die Burger, 24 Maart 1989
- ↑ Profiel op saoperasingers.homestead.com