Vlag van Abchasië
Die vlag van Abchasië is op 23 Julie 1992 in gebruik geneem. Die vlag vertoon sewe afwisselende bane in groen en wit met ’n rooi skildhoek waarop ’n oop wit hand met sewe vyfpuntige sterre in ’n halfmaanvorm daarbo vertoon word.
 |
|
| Gebruik | Nasionale vlag en vaandel  |
|---|---|
| Verhouding | 1:2 |
| Goedgekeur | 23 Julie 1992[1] |
| Ontwerp | Sewe horisontale bane afwisselend in groen en wit met ’n rooi skildhoek waarop ’n oop wit hand met ’n halfsirkel van sewe vyfpuntige sterre daarbo vertoon. |
| Ontwerp deur | V. Gamgia |
Simboliek
wysigDie ontwerp van die rooi skildhoek is gebaseer op die banier van die middeleeuse Koninkryk Abchasië. Die oop regterhand beteken “Dag aan vriende! Stop aan vyande!”[2] Die sewe sterre is sedert die ontwerp van die vlag geherinterpreteer as om die sewe historiese streke van die land voor te stel, nl. Sadzen, Bzyp, Gumaa, Abzhywa, Samurzaqan, Dal-Tsabal en Pskhuy-Aibga.[3]
Die syfer sewe is ’n heilige syfer vir die Abchasse en die groen en wit bane verteenwoordig die verdraagsaamheid wat toelaat dat Christenskap en Islam saam kan bestaan.[4]
Geskiedenis
wysigAbchasië word deur die gedeeltelik erkende Republiek van Abchasië bestuur en funksioneer as ’n de facto onafhanklike Abchassiese staat. Georgië, die Verenigde Nasies en die meerderheid van die wêreld se regerings beskou Abchasië as deel van Georgië met die wetlike de jure regering van die Outonome Republiek van Abchasië wat in ballingskap bestaan.
Die vlag is in 1991 deur V. Gamgia geskep.[5] Dit is amptelik op 23 Julie 1992 aanvaar.[1]
-
’n Dame met ’n rok wat van die Abchassiese vlag gemaak is -
Kinders wapper klein Abchassiese vlaggies -
’n Helikopter vertoon die Abchassiese vlag -
Die vlag word tydens ’n optog vertoon
Ander vlae
wysig-
Presidensiële standaard van Abchasië -
Abchassiese vlootvlag
Historiese vlae
wysigSosialistiese Sowjet Republiek van Abchasië
wysigDie vlag van die SSR Abchasië is in 1925 aanvaar toe die grondwet van die SSR Abchasië bekragtig is. Dit is tot 1931 gebruik toe die SSR Abchasië na die Abchassiese ASSR omskep is, waarvoor ’n ander vlag gebruik is.
Abchassiese Outonome Sowjet Sosialistiese Republiek
wysigDie vlag wat van 1931 tot 1978 gebruik is, was identies aan dié van die Georgiese SSR en in 1978 is die naam van die Abchassiese ASSR in Abchassies en in Abchassiese skrif op die vlag aangebring. Hierdie nuwe vlag van die Abchassiese ASSR is in 1978 in gebruik geneem en is tot 1991, met die val van die Sowjetunie, gebruik.
-
Vlag van die Sosialistiese Sowjet Republiek Abchasië (1925–31) -
Vlag van die Abchassiese ASSR wat in 1978 in gebruik geneem is
Voorgestelde vlag
wysig’n Vlag en embleem is deur die Georgiese Heraldiese Staatsraad voorgestel vir die Regering van die Outonome Republiek van Abchasië waarin die vlag van Georgië met die groen-en-wit-bane van die vlag van Abchasië gekombineer word.[6]
-
Voorgestelde vlag vir Abchasië
.svg)
Verwysings
wysig- ↑ 1,0 1,1 "Abchasië" (in Engels). Flags of the World. Geargiveer vanaf die oorspronklike op 17 Junie 2019. Besoek op 31 Desember 2018.
- ↑ "Ahakuytra". www.ahakuytra.com (in Russies). Geargiveer vanaf die oorspronklike op 1 Maart 2012. Besoek op 27 November 2017.
- ↑ (ru) Государственные символы Geargiveer 28 September 2007 op Wayback Machine
- ↑ (en) "Abchasiese vlag van die Vlae van die Wêreld-databasis". www.flagsinformation.com. Geargiveer vanaf die oorspronklike op 19 Januarie 2016. Besoek op 27 November 2017.
- ↑ (ru) Аргун Ю.Г. (Argun Yu. G.), О Государственном флаге Geargiveer 28 September 2007 op Wayback Machine (Oor die staatsvlag) (XLVIII итоговая научная сессия (11-13 мая). тезисы докладов. - Сухум: АбИГИ, 2004, с. 3-4)
- ↑ (en) "Heraldica - Main". heraldry.ge. Geargiveer vanaf die oorspronklike op 16 Junie 2013. Besoek op 27 November 2017.
Eksterne skakels
wysig
Wikimedia Commons het meer media in die kategorie Vlae van Abchasië.- (en) Abchasië by Flags of the World.
| Hierdie artikel is in sy geheel of gedeeltelik vanuit die Engelse Wikipedia vertaal. |
