Vlag van Ethiopië

Die nasionale vlag van Ethiopië (Amharies: የኢትዮጵያ ሰንደቅ ዓላማ, yäItyoṗya Sändäq ʿAlama; of የኢትዮጵያ ባንዲራ, yäItyoṗya Bandira) is op 6 Februarie 1996 amptelik in gebruik geneem. Die drie tradisionele kleure (groen, geel en rooi) dateer terug na Keiser Menelik (1889–1913) en is vir die eerste keer in 1895 gebruik. Die huidige vlag en embleem is aanvaar na die omverwerping van die Marxistiese Mengistu-regime wat van 1974 tot 1991 regeer het.

Vlag van Ethiopië

Vlag van Ethiopië
Gebruik	Nasionale vlag
Verhouding	1:2
Goedgekeur	6 Februarie 1996
Ontwerp	’n Horisontale driekleur met ewe wye groen, geel en rooi bane. In die middel is ’n blou kol met ’n geel ster.
Ontwerp deur	Abebe Alambo

Simboliek

Die embleem is veronderstel om die diversiteit asook die eenheid van die land te weerspieël. Blou verteenwoordig vrede, die vyfpuntige ster verteenwoordig diversiteit en eenheid en die strale van die son verteenwoordig vooruitgang. Die groen stel die grond en hoop vir die toekoms voor, die geel stel vrede en liefde voor en die rooi stel krag voor.

Volgens die huidige interpretasie dui die kleure aan:

•    Groen: "Die rykdom en die vrugbaarheid van ons land sowel as hoop."

•    Geel: "Godsdiensvryheid en vrede."

•    Rooi: "Die offer van ons vaders, wat hul bloed in die verdediging van Ethiopië gegee het."

Vorige vlae

• 
  Voor die reghoekige vlag is drie gekleurde wimpels gebruik. Let op dat rooi aanvanklik bo was. 1881 tot 6 Oktober 1897
• 
  Vlag van Ethiopië van 6 Oktober 1897 tot 9 Mei 1936
• 
  Vlag van Ethiopië onder Italiaanse administrasie van 9 Mei 1936 tot 5 Mei 1941
• 
  Nasionale vlag van die Keiserryk met die Judasleeu van 5 Mei 1941 tot 12 September 1975 (met ’n wysiging op 21 Maart 1974).
• 
  Vlag van Ethiopië van 12 September 1975 tot 12 September 1987
• 
  Staatsvlag van Ethiopië, 1975 tot 1987
• 
  Vlag van Ethiopië van 12 September 1987 tot 28 Mei 1991
• 
  Vlag van Ethiopië, 1991 tot 1996
• 
  Vlag van Ethiopië, 1996 tot 2009

Eksterne skakels

• (en) Ethiopië by Flags of the World
• (en) Ethiopië by World Statesman
• (en) "Flag of Ethiopia". Encyclopædia Britannica. Besoek op 14 Mei 2019.

Hierdie artikel is in sy geheel of gedeeltelik vanuit die Engelse Wikipedia vertaal.